फिक्कल: इलामको माईजोगमाई गाउँपालिकामा ३ दिवसीय आन्तरिक नियन्त्रण प्रणाली निर्देशिका निर्माण सम्बन्धी अभिमुखीकरण कार्यक्रम शुक्रबार सम्पन्न भएको छ ।
प्रदेश अनुसन्धान तथा प्रशिक्षण प्रतिष्ठानको आयोजनामा भएको कार्यक्रम माईजोगमाई गाउँपालिका अध्यक्ष कुश बहादुर थेवेको अध्यक्षतामा समापन भएको हो । कार्यक्रममा माईजोगमाई गाउँपालिकाका ६ वटै वडाका वडाध्यक्ष कार्यपालिका सदस्य ,वडा सदस्य , वडा सचिव बिषयगत शाखाका शाखा प्रमुख कर्मचारी लगायतको उपस्थिति रहेको थियो।
कार्यक्रममा प्रदेश अनुसन्धान तथा प्रशिक्षण प्रतिष्ठानका जर्नादन कट्टेल र दुर्गादेवी निरौलाले सहजीकरण गर्नुभएको थियो ।अभिमुखी कार्यक्रम समापन सगै माईजोगमाई गाउँपालिकाको लागि निर्माण भएको आन्तरिक नियन्त्रण प्रणाली निर्देशिका प्रशिक्षण प्रतिष्ठानले आजनै माईजोगमाई गाउँपालिकालाई हस्ताणतरण गरेको छ ।
