फिक्कल: इलामको पशुपतिनगर स्थित चारमाईलबाट शसस्त्र प्रहरीले ब्राउन सुगर र बारुद बनाउने सोडा सहित एक ब्यक्तिलाई पक्राउ गरेको छ ।सोमबार शसस्त्र प्रहरीको प्रस्तवित सीमा सुरक्षा गुल्मबाट खटीएको टोलीले सूर्योदय नगरपालिका २ चारमाईलमा शंका लागि चेकजाँच गर्दा चोक्माबु पाँचथरका ५८ बर्षीय याम बहादुर तुम्बापोलाई ब्राउन सुगर र बारुद बनाउने सोडा सहित पक्राउ गरेको हो ।
प्रहरीले भारतबाट नेपाल आउदै गर्दा तुम्बापोको साथबाट एकसय ग्राम ब्राउन सुगर, १० किलोग्राम बारुद बनाउने सोडा र पाँचसय २५ ग्राम बारुद बनाउने गन्धक बरामद गरेको छ । बरामद भएको सामग्री सहित तुम्बापोलाई शसस्त्र प्रहरीले थप अनुसन्धानका लागि इलाका प्रहरी कार्यालय पशुपतिनगरमा बुझाएको छ । इलामका प्रहरी कार्यालय पशुपतिनगरका प्रहरी निरीक्षक बिष्णु खड्काले निज तुम्बोपोलाई इलाका प्रहरी कार्यालयमै राखी थप अनुसन्धान गरीने जानकारी दिनु भयो । उहाका अनुसार तुम्बापोलाई लागु औषध ओसार पसार सम्बन्धिको मुद्दा चलाईने छ ।
पक्राउ परेका तुम्बापोको साथबाट प्रहरीले केहि नगद , एक थान मोवाईल सेट र निजको नागरिक्ता समेत बरामद गरेको प्रहरी निरीक्षक खड्काले जानकारी दिनु भयो ।सीमा क्षेत्रमा प्रहरीले बिशेष निगरानी गर्दै आएको छ । इलामको फिक्कल बजारको प्रहरी बिट संगै रहेको एक घडी मर्मत पसलबाट केहि समय अघि शसस्त्र प्रहरीले ब्राउन सुगर सहित एक ब्यक्तिलाई पक्राउ गरेको थियो । प्रहरीले कन्यामबाट पनि केहि दिन अघि ब्राउन सुगर सहित एक जनालाई पक्राउ गरेको थियो । पक्राउ परेका ब्यक्तिको बयानका आधारमा सूर्योदय ८ का २६ बर्षीय मिक कुमार तामाङलाई समेत सोमबार नै पक्राउ गरेको छ ।
