डाइमण्ड तिम्सिना:
इलामको रोङ गाउँपालिका वडा नं ३ लसुनेमा संचालन भईरहेको खुल्ला भलिबल प्रतियोगिताको उपाधिका लागि बुद्दशान्ति झापा र माईजोजमाई इलाम भिड्ने भएका छन् ।
हिजो भएको पहिलो सेमिफाइनल खेलमा बुद्दशान्तिले ओसिस स्पोर्टिङ क्लबलाई ३-१सेट जितेर नतिजा आफ्नो पोल्टोमा पार्यो भने, दोस्रो भएको प्रतिस्पर्धात्मक सेमिफाइनलमा खेलमा माईजोगमाइ ईलामले मुनामदन एकेडेमी झापा लाई ३-२ को कठिन जित निकाल्दै बुद्दशान्ति संगको भेट पक्का गरेको हो।
खेल बेस्टअफ फाईभका आधारमा खेलाईएको थियो ।ओसिस स्पोर्टिङ क्लबले अघिल्लो चरणमा कुटिडाँडा भलिबल क्लब र दोस्रोमा प्युरे भलिबल क्लबलाई पाखा लगाउँदै सेमिफाइनल प्रवेश गरेको थियो। माइजोगमाई इलामले समूह चरणमा शान्तिपुर रोङ इलाम र मेलबोटे भलिबल क्लव ईलामलाई पाखा लगाउँदै सेमिफाइनल प्रवेश गरेको थियो। फाईनल खेल माघ १५ गते सोमबार बिबिध मनोरञ्जनात्मक कार्यक्रमका साथ सम्पन्न हुनेछ ।बिजेता टोलिले नगद ३५००० र मेडल ,प्रमाणपत्र प्राप्त गर्नेछन् भने उपबिजेता हुने टिमले नगद २०००० मेडल र प्रमाणपत्र प्राप्त गर्नेछन् ।
