फिक्कल: गरिबी निवारणका लागि लघु उद्यम विकास कार्यक्रम (मेडपा) अन्तर्गत सूर्योदय नगरपालिका वडा नं. ६ मा ७ दिनको व्यवसायीक तालिम सम्पन्न भएको छ ।
तालिम समापन कार्यक्रम वडा नं. ६ का अध्यक्ष शिबकुमार बस्नेतको अध्यक्षता तथा नगर प्रमुख रण बहादुर राईको प्रमुख आतिथ्यतामा सम्पन्न भएको हो । मेडपा कार्यक्रम अन्र्तगतका कर्मचारी जयन्ती बयक र मुनाकुमारी थारुले सहजीकरण गर्नुृ भएको उक्त तालिममा ब्यवसाय संचालन, ब्यवसायिक शिप आर्थिक बिकास , जोखिम न्यूनीकरण लगायतका बिषय सिकाईएको थियो । तालिममा २९ जनाको सहभागीता रहेको थियो ।
समापनको अवसरमा नगर प्रमुख रणबहादुर राईले शिप सिकेर घरमा बस्ने नभई ब्यवसायमा लाग्न आग्रह गर्नु भयो । उहाले इच्छा शक्ति राखेर काम गरे सफल भइृने बताउनु भयो । उहाले समुहमा बसेर काम गर्न समेत सहभागीलाई आग्रह गर्नु भयो । वडा नं. ६ का अध्यक्ष शिबकुमार बस्नेतले वडाबासीलाई शिप सिकाउन कुनै कन्जुस्याई नगर्ने बताउदै वडाका प्रत्येक सडक आफनै कार्यकालमा हिलो मुक्त बनाईने जानकारी दिनु भयो । उक्त कार्यक्रममा महिला बालबालिका तथा जेष्ठ नागरिक शाखा प्रमुख तारा शेर्पाले आर्थिक रुपमा बस्ती सम्पन्न पार्न उक्त कार्यक्रमले सहयोग गर्ने बताउनु भयो ।
नगरले मेडपा कार्यक्रम अन्र्तगत तालिम पश्चात ब्यवसाय गर्ने लघु उद्यमीलाई ५० प्रतिशत अनुदान समेत दिदै आएको छ ।
