सूर्योदय १ गोर्खेका २५ ज्येष्ठ नागरिकलाई घर–घरमा पुगेर सम्मान – Hamropalika
जीवनशैली इलामको आईतबारेमा आजदेखि आदिवासी जनजाति साँस्कृतिक तथा खाना महोत्सव हुदै पर्यटन रोङ उद्योग वाणिाज्य संघद्वारा आयोजित रोङ प्रथम पर्यटन महोत्सवको आयव्यय सार्वजनिक प्रदेश नेपाल महिला संघ इलाम क्षेत्र नं.१ को सपथ ग्रहण कार्यक्रम सम्पन्न Uncategorized नेपाल महिला संघ इलाम क्षेत्र नं.१ को सपथ ग्रहाण कार्यक्रम सम्पन्न जीवनशैली माइजोगमाइका अपाङ्गता भएका ब्यक्तिलाई घरमै स्वास्थ्य परीक्षण सहित परिचय पत्र हस्तान्तरण पर्यटन बिश्व वातावरण दिवसमा सूर्योदयमा सरसफाई पालिका विशेष रतुवा खोलाले जिप बगाउँदा २ जनाको मृत्यु प्रदेश नेपालमा मनसुन भित्रिँदै अर्थ वाणिज्य इलामको पर्यटन प्रवर्धन गर्न पर्यटन कार्यालयको पहल जीवनशैली सूर्योदय नगर वाल सञ्जालको पुर्नगठन
Hamropalika menu advertisement

सूर्योदय १ गोर्खेका २५ ज्येष्ठ नागरिकलाई घर–घरमा पुगेर सम्मान

  • प्रकाशित मितिः June 14, 2024
  • hamro_palika

इलामः बिहानको खाना खाएर आगनमा घाम ताप्न निस्कनुभएका ९२ बर्षीय तुलसीराम अधिकारीलाई नमस्कार टक्रयाउँदै बुधबार वडाको टोली आईपुग्यो ।सूर्योदय नगरपालिका–१ का वडाध्यक्ष राजकुमार शेरेङ सहितको छ सदसीय टोलीले घरमा आएर स्वास्थ्य परिक्षण,सम्मानपत्र वितरण र न्यानो सिरक दिएपछि मकरजुङका तुलसीरामले खुसी हुँदै भन्नुभयो, ‘पहिले भोट माग्न आउनुभएको थियो,अहिले सम्मान गर्नुभो, हाम्रो वडाको भलो होस् ।’

९५ बर्षीय काशिराम पोखरेलले विगतका पुरानो अनुभव सुनाउँदै राणाकाल र राजतन्त्रमा बोल्नै नपाउने गरेको बताउनुभयो । संघियता आएपछि नजिकैको सरकारले हरेक बर्ष सेवा गरिरहेकोमा पोखरेल दंग हुनुहुन्छ ।वडा कार्यालयले ८५ बर्ष नाघेका २५ ज्येष्ठ नागरिकलाई सम्मान गरेको वडा सचिव गोविन्द चेम्जोङले जानकारी दिनुभयो । वडाको टोलीले ज्येष्ठ नागरिकको घरघरमा पुगेर प्रेसर परिक्षण, स्वास्थ्य अवस्थाको जानकारी लिएको र न्यानो कपडा र सम्मानपत्र वितरण गरिएको चेम्जोङले बताउनभयो । गोर्खे स्वास्थ्य चौकीका प्रमुख विकास राईले स्वास्थ्य परिक्षण गर्नुभएको थियो ।

समाजमा ज्येष्ठ नागरिकहरुले इतिहास,सामाजिक संस्कार,भाषा साहित्य,परम्परागत ज्ञान, आदर्श, मुल्यमान्यताहरु वर्तमान तथा भावी पुस्तामा हस्तान्तरण गर्दै समाज विकासमा योगदान दिँदै आउनुभएकोले सम्मान गरिएको वडाध्यक्ष शेरेङले बताउनुभयो ।  कार्यक्रममा वडाध्यक्ष,वडासचिव सहित सदस्यहरु,रोशन बुडाथोकी,डिक बहादुर मगर,चन्द्रकला विश्वकर्मा, मुन्ना कुमारी राई गोर्खे स्वास्थ्य चौकीका प्रमुख विकास राई समेतको सहभागिता रहेको थियो ।

TOP