फिक्कल: नेपाल कांग्रेस सूर्योदय नगरपालिकाका उपसभापति निर्मला कट्टेल अग्रवालले सूर्योदय नगरपालिका वडा न.ं १३ खानीभन्ज्याङ्गको ज्ञानोदय आधारभूत विद्यालयका बद्यार्थीलाई शैक्षिक सामग्री बितरण गर्नु भएको छ ।
शुक्रबार एक कार्यक्रमबा बिच बिद्यालयमा पुगेर उप सभापति अग्रवालले कपि , डटपेन, डायरी लगायत गरी ३० हजार मुल्य बराबरका शैक्षिक सामग्री बिद्यार्थीलाई बितरण गर्नु भएको हो । उक्त कार्यक्रममा वडा नं. १३ का पूर्व वडा अध्यक्ष धन बहादुर राई, बिद्यालयका प्रधानाध्यापक शुसिल पौडेल लगायतको उपस्थिितिमा अग्रवालले शैक्षिक सामग्री बितरण गर्नु भएको थियो ।
अग्रवालले भौगोलिक विकटता, न्यून श्रोत साधन अनेकौं चुनौतीको बिच बालबालिकाको उज्ज्वल भविष्यको लागि लागि परेको बिद्यालयका बिद्यार्थीलाई सहयोग गर्न पाउदा खुसी लागेको बताउनु भयो । बिद्यालयका प्रधानाध्यापक पौडलले प्राप्त शैक्षिक सामग्रीले बिद्यालय र बिद्यार्थीलाई राहत मिलेको बताउनु भयो ।अग्रवालले उक्त स्थानमा निर्माणाधीन सरस्वती मन्दिरलाई पनि सहयोग गर्नु भएको छ ।
