इलाम: इलामको सन्दकपुर गाउँपालिका- ५ स्थित जौबारीमा रेडपान्डा मृत अवस्थामा भेटिएको छ । गैरीबास रोड छेउ बृक्षारोपण क्षेत्रको फेन्सिङ तारबारको छेउमा अन्दाजी डेढ वर्षको पोथी रेडपान्डा मृत भेटिएको हो ।
मृत अवस्थामा फेला परेकोको रेडपान्डालाई सन्दकपुर गाउँपालिका पशु सेवा शाखा, सन्दकपुर सव डिभिजन देउराली, चोयाटार सामुदायिक बन उपभोक्ता समिती, हिले र जौबारी प्रहरी चौकिको रोहवरमा शव परिक्षणको लागि भेटनरी अस्पताल तथा पशु सेवा विज्ञ केन्द्र इलाम पठाइएको पशु शाखा प्रमुख सविन भट्टराईले जानकारी दिए ।
