इलाम: राष्ट्रपति रनिङ सिल्ड प्रतियोगिता इलामको माइजोगमाई गाउँपालिकामा सुरु भएको छ ।नामसालिङ माध्यमिक विद्यालयमा गाउँपालिकास्तीरय प्रतियोगिता सुरु भएको हो । प्रतियोगितामा विभिन्न खेल सञ्चालन गरिनेछन् । यहाँ उत्कृष्ट खेलाडीलाई जिल्लास्तरीय प्रतियोगितामा समावेश गराइने छ ।
नामसालिङ माविका अध्यक्ष यज्ञनिधि अधिकारीको अध्यक्षता तथा माइजोगमाई गाउँपालिका अध्यक्ष कुशबहादुर थेबेको प्रमुख आतिथ्यमा भएको उद्घाटनसत्रमा गाउँपालिका उपाध्यक्ष प्रविना राई, वडा १ का वडाध्यक्ष याम कार्की, वडा ३ अध्यक्ष राम घिमिरे र वडा ४ अध्यक्ष दुरन देवानल गायतको सहभागिता थियो । प्रतियोगिताको निर्णायकमा प्रविन राई र रोहित भट्टराई रहेका छन् ।
