फिक्कल
इलामको माइजोगमाई गांउँपालिका ६ वटा बिद्यालयका प्रत्येक बिद्यालयका विद्यार्थी तथा ५० बर्ष माथीका नागरिकको निःशुल्क आँखा जांच शुरु गरीएको छ ।
नेपाल नेत्र ज्योती संघ इलाम र माइजोगमाइ गांउँपालिकाको आयोजनामा बिराटनगर आँखा अस्पतालको प्राबिधिक सहयोगमा विद्यार्थी तथा ५० बर्ष माथीका नागरिकको निःशुल्क आँखा जांच शुरु गरीएको हो । निःशुल्क आँखा जांच कार्यक्रम आजदेखी वडा नम्बर ४को नेपाल ज्योती माध्यमिक बिद्यालय नामसालिङबाट शुरु गरिएको गाउँपालिका उपाध्यक्ष प्रविना राईले जानकारी दिनु भयो । उपाध्यक्ष राईले पालिकाका ६ वटै वडामा शिबिर संचालन गरीने जानकारी दिनु भयो । नामसालिङमा पहिलो दिन एक सय १४ जनाको आँखाको निशुल्क उपचार गरीएको छ ।
नेपाल नेत्र ज्योति संघबाट संचालन भएको आँखा उपचार केन्द्रहरु इलाममा ३ वटा रहका छन् । उक्त उपचार केन्द्रले इलाम नगरपालिका, सूर्योदय नगरपालिका र देउमाई नगरपालिकाबाट सेवा दिदै आएको छ ।
