इलाम:इलामको सन्दकपुरमा निर्माण हुँदै आएको १५ बेडको अस्पताल निर्माण पुनः संचालन गर्न स्वास्थ्य मन्त्री मोहनबहादूर बस्नेतसँग ज्ञापन पत्र बुझाइएको छ । पूर्वी नेपालको स्वास्थ्य संस्थाको अनुगमनका लागि आएको मन्त्री बस्नेतसँग सन्दकपुर गाउँपालिका अध्यक्ष सहितको टोलीले ज्ञापन पत्र बुझाएको हो । निर्माण शुरु भई अहिले अलपत्र अवस्थामा रहेको १५ बेडको अस्पताल पुनः निर्माणको काम सुचारु गर्नका लागि पहल गरिदिने मन्त्री बस्नेतलाई गाउँपालिकाको टोलीले आग्रह गरेको हो ।
त्यसक्रममा सन्दकपुरको पर्यटन विकास र विकास निर्माणका लागि थप बजेट व्यवस्था गरिदिन गाउँपालिकाले आग्रह गरेको सन्दकपुर गाउँपालिका प्रमुख प्रशाकिय अधिकृत यादव राउतले बताए । स्वास्थ्य मन्त्रीलाई ज्ञापन पत्र बुझाउन गाउँपालिका अध्यक्ष तुलाराम गुरुङ्ग, प्रमुख प्रशासकिय अधिकृत यादव राउत, नेपाली काग्रेसका नेता केसव थापा, खगेन्द्र देवान, देवेन्द्र सुवेदी लगायतको अउपस्थिति रहेको थियो ।
