फिक्क्ल: सूर्योदय नगरपालिकाका संस्थागत बिद्यालयमा अध्ययरत बिद्यार्थीका लागि बाल बचत कार्यक्रम संचालन गरीने भएको छ । सामुदायिक बिद्यालयका बिद्यार्थीको बाल बचत गराउदै आएको नगरले यस शैक्षिक सत्रबाट सामुदायिक बिद्यालय सरह नै संस्थागत बिद्यालयमा अध्ययनरत बिद्यार्थीको बाल बचत खाता संचालन गर्ने भएको हो ।
शुक्रबार एक कार्यक्रमका बिच नगरपालिका र हिमालयन बैंक फिक्कल कार्यालय बिच खाता संचालन गर्ने सहमती पत्रमा हस्ताक्षर भएको छ । नगरपालिकामा भएको कार्यक्रममा नगरका प्रमुख प्रशासकीय अधिकृत मिलन भट्टराई र बैंकका फिक्कल कार्यालय प्रमुख अर्चन ढुंगानाले सम्झौता पत्रमा हस्ताक्षर गर्नु भयो ।
सूर्योदयका ३० वटा संस्थागत बिद्यालयमा अध्ययरत २ हजार १ सय बिद्यार्थीको हिमालयन बैंक फिक्कल शाखामा तत्काल खाता संचालन हुने छ । कक्षा ५ सम्म अध्यरत बिद्यार्थीले मासिक रुपमा न्यूनत १ सय ५० रुपैयाँ जम्मा गर्ने छन । उक्त खातामा बैङले प्रति बिद्यार्थी एक सय रुपैयाँ जम्मा गरिदिने फिक्कल कार्यालय प्रमुख ढुंगानाले जानकारी दिनु भयो । उहाका अनुसार खाता खोलीएका बिद्यार्थीको बिमा समेत हुने भएको छ । उक्त खातामा नगरले समेत केहि रकम जम्मा गर्ने छ । शिक्षा युवा तथा खेलकुद शाखा प्रमुख योगनिधि भट्टराईले संस्थागत बिद्यालयका बिद्यार्थीको बैंक खाता संचालन सहयोग गर्न अविभावकलाई आग्रह गर्नु भयो ।
नगर प्रमुख रण बहादुर राईले नगरका बालबालिका समान भएकाले सामुदायिक सरह संस्थागत बिद्यालयका बालबालिकाको खाता संचालन गरीएको बताउनु भयो । प्रमुख प्रमुख प्रशासकीय अधिकृत मिलन भट्टराईले सानै देखि बालबालिकालाई बचत गर्ने बानी बसाल्न खाता संचालन गरीएको जानकारी दिनु भयो । नगरले यस अघि सामुदायिक बिद्यालयमा कक्षा ५ सम्म अध्ययरत बिद्यार्थीको बाल बचत खाता संचालन गरीसकेको छ । सामुदायिक बिद्यालयका बिद्यार्थीकोे बाल बचत खाता राष्टिय बाणिज्य बैकमा खोलीएको छ । नगर प्रमुख राईले कक्षा ५ सम्मका बिद्यार्थीको खाता खोली सकिए पछि कक्षा ८ सम्म बिद्यार्थीलाई उक्त कार्यक्रममा सहभागी गराईने भएको छ ।
