फिक्कल: इलामको सूर्योदय नगरपालिकाका महिलाका लागि तीन दिने अचार बनाउने तालिम दिईएको छ । सूर्योदय १० फिक्कलमा लाप्चा समुदायका महिलालाई ब्यवसायिक बनाउनका लागि मासुको अचार बनाउने तालिम दिइएको हो ।
तालिममा लाप्चा समुदाय अन्र्तगत वडा नं. ९ र १० का लोपउन्मुख लाप्चा समुदायका २७ जना महिला सहभागी थिए । उनीहरुले कुखुरा र राँगाको मासुको अचार बनाउने सीप सिकेको सूर्योदय नगरपालिका महिला बालबालिका तथा समाजकल्याण शाखा प्रमुख तारा शेर्पाले जानकारी दिनु भयो । तालिममा किरण शर्माले महिलालाई अचार बनाउने तालिम दिनु भएको थियो । शाखा प्रमुख शेर्पाका अनुासर लाप्चा समुदायका महिलालाई थप ब्यवसायीक बनाउनका लागि प्रति ब्यक्ति ३ हजारका दरले बीउ पुजी समेत उपलब्ध गराईएको छ । उक्त रकमबाट तालिम लिएका महिलाले अचार बनाउने उहाले जानकारी दिनु भयो ।
समापनको अवसरमा सहभागीलाई प्रमाणपत्र समेत बितरण गरीएको छ । प्रमाणपत्र बितरण गर्दै नगर प्रमुख रण बहादुर राईले दिगो बिकासको लक्ष्य पुरा गर्न महिलाले ब्यवसायीक बन्नु पर्ने बताउनु भयो । उहाले सीप सिकेर बस्ने नभई त्यसलाई ब्यवहारमा लागु गर्न महिला सक्रिय बन्नु पर्ने बताउनु भयो । उहाले भन्नु भयो‘महिला ब्यवसायीक बन्नु भनेको घर बलियो हुनु हो, अव घर बलियो बनाउने तर्फ लागनु होस ।’शाखाले पालिका भित्रका महिलाका लागि बिभिन्न प्रकारका तालिम संचालन गर्दै आएको छ ।
