लारुम्बा :संस्कृति पर्यटन तथा नागरिक उड्डयन मन्त्री सुदन किरातीले देवताले रोजेको क्षेत्र भएकाले धार्मिक पर्यटनमा विशिष्ट क्षेत्र हुने बताए । माछा मासु चल्ने नेपालको एक मात्र साहाकारी क्षेत्र भनेर पर्यटन प्रर्वद्धन गर्न सक्ने सम्भावना भएको बताए ।
उनले महागुरु फाल्गुनन्द र आत्मानन्दको जन्मभुमीलाई धार्मिक पर्यटन सम्भावनाको रुपमा हेरिएको बताए । किरात धर्म गुरु आत्मानन्द लिङदेनको ७० औ जन्मोत्सवको अवसरमा बोल्दै किरातीले पुुष्पलाल मध्यपहाडी क्षेत्रलाई आधार बनाएर पितृ पुजक थलोहरु धार्मिक क्षेत्र जोडेर सांस्कृतिक महारेखा जोडन सकिने बताए । उनले प्रकृति र पितृ पुजक क्षेत्रको सांस्कृतिक रेखा विकास गरेर माङसेबुङ एउटा केन्द्र बन्न सक्ने बताए ।
उनले ५ वटा देशको राजधानी विमान सेवाबाट करिब ४ घण्टाको दुरीमा पुग्न सकिने विश्वको एक मात्र देश भएको बताए । उनले नेपाल प्रकृति र संस्कृतिको देश भएकाले पर्यटन प्रकृति र संस्कृतिको समायोजन हुन सक्ने बताए । उनले नेपालको सांस्कृतिक सहिष्णुता विगार्ने केही तत्व लागेको भन्दै त्यस्तालाई नेपाली जनताले बहिष्कार गर्ने बताए । किरातीले लारुम्बाले नेपालीहरुलाई एकताको सुत्रमा बाध्ने कार्य समेत गरेको बताए ।
धरान उपमहानगर प्रमुख हर्क साम्पाङले किरातीहरुको आस्थाको केन्द्र लारुम्बा संघीय सरकारको नजरमा पर्न नसकेको बताए । उनले १७ हजार सहिदको बलिदानले चाहे जस्तो देश बन्न नसकेको बताए । उनले धुलाम्मे बाटो हिड्नुपरेकाले व्यङग्य गर्दै बादलहरु छिचोलेर लारुम्बासम्म आएको बताए ।
उनले मन्त्री किरातीको ध्यानार्कषण गराउँदै लारुम्बाको बाटोको अवस्था जिर्ण भएकोले मर्मत सम्भारको लागि आग्रह गरे । साम्पाङले आफ्नो पुख्यौली थलो खोटाङको भन्दा पनि विग्रिएको बाटो रहेको बताए । उनले पवित्र भुमीसम्म आउन सहज बाटो बनाउन आग्रह गरे । साम्पाङले संघीय सरकारले सडक बत्तीको पैसा भुक्तान नभएको भन्दै विद्युत काट्ने कार्य गलत भएको बताए । उनले संघीय सरकारले सडक बतीको पैसा अर्थ मन्त्रालयले तिरिदिन आग्रह गरे ।
उनले धरानमा २० बर्ष अघि एयपोर्ट बनाउन लिएको जग्गा माफियाले बेचेर सक्न लागे बताउँदै सरकारले बनाउन नदिएको गुनासो आएको बताए । जन्मोत्सवको अवसरमा प्रधानमन्त्री पुष्पकमल दाहाल, पर्यटनमन्त्री किराती, धरान नगर प्रमुख साम्पाङलाई सम्मान गरिएको थियो । धर्मगुरुको जन्मोत्सवमा प्रधानमन्त्री आउने कार्यक्रम तय भएपनि विदेश भ्रमणका कारण पर्यटनमन्त्रीले सरकारको प्रतिनिधित्व गरेका थिए ।कार्यक्रममा विभिन्न राजनीतिक दल, धार्मिक संघसंस्थाका प्रमुख एवम प्रतिनिधिहरुको आतिथ्यता रहेको थियो ।
