फिक्क्ल : इलामको पशुपतिनगरमा एक दिने स्वास्थ्य शिबिर सम्पन्न भएको छ । पशुपतिनगरमा रहेको सूर्य बिनायक मेडिकल तथा एन्जल फाउण्डेशन नेपालले आयोजना गरेको शिबिरमा पाइल्स तथा फिस्टुला, मलद्धार चिलाउने, मलद्धारबाट पिप वा रगत बग्ने ,दुख्ने मलद्धारमा मासु पलाएका गरी ९८ जना बिरामीको ५० प्रतिशत छुटमा उपचार गरिएको हो ।
आयोजकले शिबिरमा उपचारमा ५० प्रतिशत, रगत जाँचमा ३५ प्रतिशत छुट दिएको थियो । शिबिरमा गरिबीका कारण उपचार गराउन नसकेका सूनपा २ पशुपतिनगरका अनीस राईलाई ५० हजार बराबरको निशुल्क उपचार गरीएको मेडिकल संचालक सागर भुजेलले जानकारी दिनु भयो । शिबिरमा डा. प्रदिप यादव सहितको टिमले सेवा दिएको थियो । सूर्यबिनायक मेडिकलले प्रत्येक हप्ताको बिहिबार बिहान ९ बजे देखि पायल्स तथा फिस्टुलाको बिशेषज्ञ डाक्टरबाट उपचार गराउदै आएको छ ।
