फिक्कल: सामाजिक सेवामा समर्पित संस्था नेपाल रेडक्रस सोसाइटी अन्तर्गत जुनियर रेडक्रस सर्कलको जिल्ला स्तरीय गोष्ठि सूर्योदय नगरपालिकाको फिक्कल माध्यमिक विद्यालयमा आज शुरु भएको छ ।
३६ औ जिल्ला स्तरीय जुनियर युवा तथा शिक्षक नायक गोष्ठिको सूर्योदय नगरपालिकाका नगर प्रमुख रण बहादुर राइले उद्घााटन गर्नुभयो । गोष्ठि उद्घाटनका क्रममा रेडक्रसमा योगदान पुर्याउने पुर्व जिल्ला सभापति देवी प्रसाद गौतम र कन्याम उपशाखाका पुर्व सभापति बेद गिरीलाई सम्मान गरिएको थियो । यसै क्रममा जिल्लामा उत्कृष्ट जुनियर युवा सर्कलको रुपमा खान्द्रुड. माविलाई उत्कृष्ट रुपमा पुरस्कार तथा ट्रफी वितरण गरिएको थियो । यस्तै चित्रकला तथा निवन्ध प्रतियोगितामा विभिन्न विद्यालयका उत्कृष्ठ विद्यार्थीहरुलाई पुरस्कृत गरिएको थियो ।
सभामा जुनियर युवा तथा शिक्षक नायक जिल्ला समन्वय समितिको कार्य योजना तर्जुमा गरिनुका साथै जिल्लाको सांगठनीक प्रतिवेदन प्रस्तुत गरिएको छ । दुइ दिने आवासिय गोष्ठिमा जुनियर सर्कलका प्रतिनीधिहरुलाई प्रशिक्षण दिइने नेपाल रेडक्रस सोसाइटी इलाम शाखाले जनाएको छ ।
इलाम जिल्लाभर ६८ जुनियर युवा रेडक्रस सर्कलमा चार हजार ६ सय ७७ सर्कल स्वयंसेवक आवद्ध रहेका छन् । यस्तै देशभर ६ हजार तीन सय ३२ सर्कलमा नौ लाख ७० हजार तीन सय १७ जना स्वयंसेवक रहेका छन् ।
गेष्ठिमा नगर प्रमुख रण बहादुर राई, नेपाल रेडक्रस सोसाइटी कोशी प्रदेश उप सभापति हरिकला श्रेष्ठ, उप महामंत्री देवी प्रसाद गौतम समेतका वक्ताले रेडक्रसको महत्व र युवा जुनियर सर्कलबारे चर्चा गर्नुभयो । सभामा कोशी प्रदेश जुनियर तथा युवा संजालका सदस्य निश्कल राई, नेरेसो इलामका कार्यवाहक सभापति रतन चौधरी खडानन्द अधिकारी, सुजन नेपाल समेतले शुभकामना मन्तव्य राख्नुभयो । कार्यक्रममा स्काउट तथा एन सी सी का विद्यार्थीले साँगीतिक प्रस्तुति र कवाज प्रस्तुत गरेका थिए । फिक्कल माध्यमिक विद्यालय जुरेस अध्यक्ष सामना भट्टराईको अध्यक्षतामा कार्यक्रम सम्पन्न भएको थियो । ं
