फिक्कल:
ताप्लेजुङमा पक्राउ परेका कार्यकर्ता रिहाईको माग सहित पहिचान पक्षधरसमुहको बन्दका कारण अवरुद्ध मेची राजमार्गमा मंगलबार साझबाट प्रहरीले स्कटिङमा यातायत सुचारु गरेको छ कोशी नामविरुद्व आन्दोलन गरिरहेको प्रदेश १ पुनःनामांकन संयुक्त संघर्ष समितिले आह्वान गरेको बन्दका कारण दिन भर मेची राजमार्गमा यातायात ठप्प पछि अलपत्र परेका यात्रुलाइृ गन्तब्यमा लैजान प्रहरीले स्कटिङमा यातायत सुचारु गरेको हो ।
प्रहरीले मेची राजमार्गको झापा इलाम पाँचथर र ताप्लेजुङ जाने सवारी साधन र ताप्लेजुङ, पाचथर,इलाम हुँदै झापा जाने सवारी साधन प्रहरीको सुरक्षामा सुचारु गरेको छ ।
जिल्ला प्रहरी कार्यालय इलामका प्रमुख एसपी बासुदेव खतिवडाले दिनभर बन्दका कारण अलपत्र परेका यात्रुलाई गन्तब्यमा लैजान स्कटिङ शुरु गरिएको जानकारी दिनु भयो । उहाले दिउसो पाँचथर तर्फका सवारीलाई स्कटिङमा पठाईएको जानकारी दिनु भयो । केहि दिनअघि ताप्लेजुङमा एमाले सचिव तथा प्रतिनिधिसभा सदस्य योगेश भट्टराई सवार सवारी साधनमा तोडफोड भए पछि गाडी तोडफोड गरेको अभियोगमा प्रहरीले दुई जना पहिचानवादी कार्यकर्तालाई पक्राउ गरेको थियो । पक्राउ परेका कार्यकर्ता बिना सर्त रिहाइको माग गर्दै राजमार्ग बन्दको घोषणा गरिएको छ ।
बन्दका कारण मेची राजमार्गको झापा–इलाम, इलाम– फिदिम र फिदिम –ताप्लेजुङ सडक खण्डमा यातायातका साधन चल्न सकेका थिएनन् ।
प्रहरीले पहिचान पक्षधर पाथिभरा–३ निवासी विविन कालिङवा र आनन्द कालिङवालाई मंसिर ११ गते पक्राउ गरेको थियो । आन्दोलन समुहका नेता राम लिङद्मले पक्राउ गरीएका कार्यकर्ता रिहाई नभए बन्द हडताल लागयतका कार्यक्रम लम्बीएर जाने बताउनु भयो ।
