फिक्क्ल : सूर्याेदय नगरपालिकाका नगर प्रमुख रणबहादुर राईले वडा १३ र १४ का आधारभुत तहमा अध्ययनरत बिद्यार्थीलाई दाँत माझ्ने ब्रस र पेष्ट वितरण गर्नु भएको छ ।
वडा नं. १३ र १४ का आधारभुत तह(कक्षा १ देखि ५ सम्मका) सबै बिद्यार्थीलाई नगर प्रमुख राईले ब्रस र पेष्ट वितरण गर्नु भएको हो । नगर प्रमुख राईले विद्यालयमा अनुगमनमा जाँदा साना बालबालिकामा दाँत माझ्ने बानी नभएको पाइए पछि एक बर्ष सम्म ब्रस र पेष्ट वितरण गर्ने घोषणा यस अघि नै गर्नु भएको थियो । उहाले हेर्दा सानो काम भए पनि स्वास्थ्यका दृष्टीकोणले महत्वपूर्ण काम भएको बताउनु भयो ।
गत चैतमा आफ्नो जन्मदिन अवसरमा नगर प्रमुख राईले बालबालिकालाई एक वर्षसम्म व्यक्तिगत खर्चमा ब्रस र पेष्ट वितरण गर्ने घोषणा गर्नु भएको थियो । नगर प्रमुख राईले शिक्षालाई बिशेष ध्यान दिएर बिद्यालयमा बिभिन्न कार्यक्रम लिएर जाने गर्नु भएको छ ।
