फिक्क्ल :
इलाममा पहिलो पटक जिल्ला प्रशासन कार्यालयले गैर आवसिय नेपाली नागरिकता प्रदान गरेको छ।इलाम न पा ६ स्थायी ठेगाना भएका बिजेन्द्र गुरुङलाई कानुन बमोजिम प्रक्रिया पुर्याएर जिल्ला प्रशासन कार्यालय इलामवाट पहिलो पटक गैर आवसिय नेपाली नागरिकता प्रदान गरिएको हो । गुरुङ अमेरिकन नागरिक हुनुहुन्छ ।
नेपालको संविधानको धारा १४ को संवैधानिक व्यवस्था भए बमोजिम कार्यविधि कानुन बने पश्चात नेपाल नागरिकता ऐन ,२०६३ (पहिलो संशोधन) र नेपाल नागरिकता नियमावली ,२०६३ (तेस्रो संशोधन) बमोजिम गुरुङलाई गैर आवसिय नागरिक्ता प्रदान गरेको प्रमुख जिल्ला अधिकारी इन्द्रदेव यादवले जानकारी दिनु भयो । जिल्ला प्रशासन कार्यालय इलामबाट गैर आवसिय नागरिक्ता दिईएको यो नै पहिलो हो ।
