फिक्क्ल: सूर्योदय नगरपालिकाको पर्यटकीय क्षेत्र अन्तुका किराना पसल अनुगमन गरीएको छ । सूर्योदय नगरपालिकाको बजार अनुगमन समितिले सोमबार अन्तु क्षेत्रका किराना पसल अनुगमन गरेको हो।
बजार अनुगमन समिति संयोजक मदन गुरुङको नेतृत्वमा , नगरका कर्मचारी, उद्योग बाणिज्य संघ, प्रहरी र संचारकर्मी , नगर प्रहरी सहितको टोलीले अनुगमन गर्दा ठूलो मात्रामा म्याद गुज्रिएका सामग्री बरामद गरेको छ ।
बजारमा चिसो पेय पदार्थ, पाउरोटी, भुजीया, पापड, मसला बिस्कुट लगायतका म्याद गुज्रीएका सामग्री भेटिएका छन । अनुगमनका क्रममा केहि पसलको दर्ता नविकरण नभएको पाईएको छ । दर्ता नविकरण नभएकालाई तत्काल प्रक्रिया पुरा गर्न निर्देशन दिएको संयोजक गुरुङले जानकारी दिनु भयो । बरामद भएको सामग्री नगरको डम्पिङ साइडमा लगेर नष्ट गरिने छ ।
