इलाम:
किरात राई पत्रकार संघ इलामले अनाथालयमा शैक्षिक सामाग्री वितरण गर्दै स्थापना दिवस मनाएको छ । १६ औं स्थापना दिवसको अवसरमा इलाम नगरपालिका ९ मा रहेको राहसल बाल गृहका १४ जना विद्यार्थीलाई शैक्षिक सामग्री वितरण गरेको हो ।
शैक्षिक सामग्री संस्थाका कोषाध्यक्ष टिका चौहानलाई इलाम शाखाअध्यक्ष सुनिता राईले हस्तान्तरण गरिन् । कार्यक्रममा माइजोगमाई गाउँपालिका उपाध्यक्ष प्रबिना राई ,यायोख्खा इलामका पुष्पा राई ,पत्रकार महासंघका अध्यक्ष बिप्लव भट्टराई सहित समितिका पदाधिकारीको उपस्थिति थियो ।
