फिक्कल: इलामको सूर्योदय नगरपालिकाको फिक्कल बजार अनुगमन गरी म्याद गुज्रीएका र अखाद्य बस्तु बरामद गरीएको छ । उपभोक्त हकहित संरक्षण समितिका संयोजक दुर्गा कुमार बरालको अध्यक्ष्तामा गठित समितिले सोमबार फिक्कलका किराना पसल अनुगमन गर्दा म्याद गुज्रीएका र अखमद्य बस्तु बरामद गरेको हो ।
बजार अनुगमनका क्रममा खाने तेल,पकेट चिया, चिसो पेय पदार्थ , पाउरोटी , कुरकुरे , बिस्कुट , मिठाई, चिजबल्स, कुरमुरे , पापड लगायतका म्याद गुज्रीएका र अखाद्य बस्तु गरी एक पिकअप सामान बरामद गरेको छ । बजार अनुगमन समितिका संयोजक मदन गुरुङको नेतृत्वमा गएको टोलीले फिक्कल र बरबोटे क्षेत्रका किराना पसल अनुगमन गरेको थियो ।
अनुगमन टोलीमा सूर्योदय उद्योग बाणिज्य संघका महासचिब तोयानाथ भट्टराई, फिक्कल प्रहरी चौकीका प्रमुख शुभेन्द्रलाल कर्ण, नगरपालिकाका कर्मचारी नमिन ढकाल , नगर प्रहरी र संचारकर्मी सहितको टोलीले बजारका किराना पसलको अनुगमन गर्दा ठूलो मात्रामा अखाद्य र म्याद गुज्रीएका सामान बरामद गरेको छ ।
टोलीले श्रेष्ठ सब्जी पसल, असोक स्टोर, प्रधान स्टोर, यल्मु छुर्पी पसल, होम केयर ग्लोसरी, बिमल स्टोर, मिलन किराना पसल लगायतका पसलबाट ती सामग्री बरामद गरेको संयोजक गुरुङले जानकारी दिनु भयो । कतिपय पसलले दर्ता नगरेको, दर्ता भए पनि नविकरण नगरेको , मुल्य सूची नराखेको बील भनएको पाईएको थियो । त्यस्ता पसललाई तत्काल दर्ता नविकरण गर्न र मुल्य सूची राख्न लिखित निर्देशन दिईएको गुरुङले जानकारी दिनु भयो ।
नगरले चाडबाड नजिकीए संगै बजारमा हुने कालोबजारी , मुल्य बृद्धि नियन्त्रण गर्न अनुगमनलाई तिबैता दिएको छ । नगर क्षेत्रका हाटबजारमा अनुगमन नियमित हुने नगरले जनाएको छ । बरामद भएका सामग्री समितिले नगरको डम्पिङ साईडमा लगेर नष्ट गर्ने जनाएको छ ।
