फिक्क्ल: आगामी भदौ २० गते सूर्योदय नगरपालिकाको पशुपतिनगरमा १७ औं मानव बेचबिखन बिरुद्धको राष्ट्रिय दिवस बिभिन्न कार्यक्रम गरी मनाउने निर्णय भएको छ ।मानव बेचबिखन तथा ओसारपसार नियन्त्रण समिति संयोजक तथा सूर्योदय नगरपालिकाका नगर प्रमुख रण बहादुर राईको अध्यक्षतामा बुधबार बसेको बैठकले नेपाल भारत सीमा क्षेत्र पशुपतिनगरमा दिवस मनाउने निर्णय गरेको हो ।
बैठकले अहिले सम्म मानव बेच बिखन तथा ओसार पसारमा १४ वटै वडामा गठन भएका समितिको कामको समिक्षा गर्दै प्रगतिविवरण माग गर्ने निर्णय गरिएको छ । २० गते पशुपतिनगरमा मानव बेच बिखन बिरुद्धको ¥याली सहित फाटकमा कोणसभा गर्ने कार्यक्रम तय भएको छ ।
बैठकले उक्त कार्यक्रम सम्पन्न गर्नका लागि सामाजिक बिकास समिति संयोजक डिक बम्जनको संयोजक्त्वमा ६ सदस्यीय समिति बनाईएको छ । समितिमा प्रधानाध्यापक किरण मोक्तान, माईती नेपालका होम ढकाल, शक्ति समुहका खगेन्द्र ढुंगाना, बाल संजालका निरज चाम्लिङ र सदस्य सचिवमा महिला बालबालिका शाखा प्रमुख तारा शेर्पा रहनु भएको छ । वडा नं. २ र ३ लाई लक्षित गरेर कार्यक्रम आयोजना गरिएको सदस्य सचिव शेर्पाले जानकारी दिनु भयो ।
कार्यक्रममा १४ वटै वडाका वडाध्यक्ष, जनप्रतिनिधि, बिद्यार्थी शिक्षक प्रहरी र स्थानीय सरोकारवालाको सहभागीता रहने छ । उक्त बैठकले कार्य बिभाजन गरी २० गतेको कार्यक्रम सम्पन्न गर्नका लागि जिम्मेवारी समेत बाडफाड गरेको छ । पशुपतिनगर मानव बेच बिखन तथा ओसार पसारको ट्रान्जिट प्वाईन्ट पर्दछ । माईती नेपाल र शक्ति समुहले नगर सगको समन्वयमा मानव तस्करी रोकथाम र नियन्त्रणको काम गर्दै आएका छन ।
