फिक्कल: सूर्योदय नगरपालिका भित्र संचालित होटलमा बाल श्रम भए नभएको सम्बन्धमा आज अनुगमन भएको छ । सूर्योदय नगरपालिकाका बाल कल्यण अधिकारी तारा शेर्पाको संयोजकत्वमा वाड नं. ६,७ र ८ मा संचालित २५ वटा होटलमा अनुगमनमा भएको हो ।
अनुगमनको क्रममा १८ वर्ष भन्दा मुनिका बालबालिकाह श्रमिकको रूपमा कतै पनि नरहेको पाइयो । व्यवसायीले बालमैत्री स्थानीय शासन युक्त नगरपालिका घोषणा भैसकेकाले बाल श्रम नगराउने जानकारी समेत दिनुभयो । हप्तामा एक पटक फोहर उठनु पर्ने , पर्यटकीय क्षेत्रमा गाडीका हर्न निषेधित गर्नुपर्ने सुझाव समेत दिईएको छ । अनुगमनमा महिला बाल बालिका तथा समाज कल्यण शाखाका कर्मचारी एकमाया बोहोरा, प्रहरी चौकी फिक्कलका प्रमुख शुभेन्द्र कुमार कर्ण, बाल अधिकारकर्मी जयकुमार राई, प्रहरी हवल्दार पुष्पलाल भट्टराई र नगर प्रहरी संजीव कार्कीको उपस्थिति रहेको थियो ।
