इलाम: इलाम बजारको दुर्गा मेडिकललाई मंगलबार पुनःसिल गरिएको छ । औषधि ब्यवस्था विभाग बिराटनगरका फार्मेसी निरिक्षक दिपेन्द्र खडकाको नेतृत्वमा आएको अनुगमन टोलिले सिल गरेको हो । डा. राम कुमार धगौड़ाले किनेको उक्त दुर्गा मेडिकललाई ७ दिन भित्र नियम अनुसार औषधि ब्यवस्था विभागमा उपस्थित हुन निर्देशन दिँदै शिल गरिएको हो ।
त्यस्तै अनुगमनले इलाम अस्पताल नजिकैको आदर्श फार्मेसी तथा पोलिक्लिनिकबाट syrup. Heptarange नामको औषधि जफत गरेको छ । उक्त टोलिले चुलाचुली गाउपालिका वडा नम्बर ४ आइत’bout बजारस्थित पाथिभरा औषधि पसललाई पनि शिल गरेको छ । सम्बन्धित निकायबाट अनुमती नलिइ सञ्चालन गरेको पाएपछी सिल गरेको हो ।
निरिक्षक खड्काले स्थानिय निकायमा मात्रै दर्ता गरेर टिकाराम घिमिरेले सञ्चालन गरेको उक्त पाथिभरा औषधि पसलसम्बन्धित निकायबाट अनुमती पत्र समेत नलिइ सञ्चालन गरेकोले शिल गरिएको बताए । उक्त पसलले औषधि ब्यवस्था विभागबाट इजाजत पत्र लिएर स्थानीय प्रशासनको रोहोबरमा मात्रे सिल खोल्न पाउने छ । केहि दिन अघि जिल्ला प्रशासन कार्यालय इलामका सहायक प्रमुख जिल्ला अधिकारी ध्रुवप्रसाद कोइरालाको नेतृत्वमा भएको अनुगमनले पनि दुर्गा मेडिकलमा ताला लगाएको थियो । सञ्चालकलाई बोलाउँदा सञ्चालक नआएको र पहिले देखिनै पटक पटक निर्देशन दिँदा पनि नटेरेपछि मेडिकलमा ताला लगाइएको हो । ताला लगाएको केहिदिनमा दुईलाख रुपैयाँ जरिमाना समेत गरिएको थियो ।
