फिक्कल: इलाममा सञ्चालित माईपोखरी डेण्टल र दुर्गा मेडिकललाई २ लाखका दरले जरिमाना गराइएको छ । वन्लि फर हस्पिटल सप्लाई नामक औषधि बेचेको फेला परेपछि दुर्गा मेडिकल र माईपोखरी डेन्टललाई जरिवाना गराइएको हो ।
जिल्ला प्रशासन कार्यालय इलामका सहायक प्रमुख जिल्ला अधिकारी ध्रुव प्रसाद कोइराललाको नेतृत्वमा गएको अनुगमन टोलिले दुर्गा मेडिकल र माईपोखरी डेन्टलमा वन्ली फर हस्पिटल सप्लाई उल्लेख भएको बेटाडिन बिक्रीबिवरण भैरहेको फेला पारेको थियो ।
आइतबार कोईरालाको नेतृत्वमा स्वास्थ्य कार्यालय, इलाम नगरपालिका स्वास्थ्य शाखा, घरेलु कार्यालय, जिल्ला प्रहरी कार्यालयको संयुक्त टोलिले जरिमानाको लागि सात दिनको म्याद दिँदै पसलमै पुगेर पत्र थमाएको छ ।
उपभोक्ता मूल्य नरहेको उक्त औषधिमा जति पनि मूल्यमा बेचविखन हुने र यस्तो कार्य उपभोक्ता हित संरक्षण ऐन २०७५ को दफा १६ (२) क बमोजिम क्रियाकलाग भएको हुँदा उक्त ऐनको दफा ३८ (ङ) को कसुरमा दफा ३९ (१) ख बमोजिम दुईलाख रुपैया जरिवाना गरिएको सहायक प्रजिअ कोईरालाको भनाई छ ।
इलाम बजारमा भएका मेडिकलमा भएको अनुगमनको क्रममा सामान्य मापदण्ड पुरा नभएका औषधि पसल तथा मेडिकललाई समेत निगरानीमा राखिने भएको छ ।
