फिक्क्ल: इलाम नगरपालिकाको पर्यटकीय स्थल पाटेनागीमा गुराँसका बिरुवा रोप्ने अभियान शुरु गरीएको छ । जैविक विविधताले भरीपूर्ण पाटेनागीमा मासिँदै गएको गुराँसको संरक्षण गर्ने उद्देश्यले वृक्षारोपण अभियानको काम शुरु गरीएको हो ।
इलाम नगरपालिकाको आयोजना र पाटेनागी पर्यटन प्रवद्र्धन विकास समितिको सहयोगमा गुराँसका विरुवा रोपन थालिएको छ । जिल्ला समन्वय समिति इलामका प्रमुख जयप्रकास राई, इलाम नगरपालिका प्रमुख केदार थापा, प्रमुख जिल्ला अधिकारी श्रवणकुमार पोखरेल, नेपाल प्रहरीका प्रमुख दिलिप घिमिरे, नेपाली सेना गणिथुम्का ब्यारेकका प्रमुख सुनिल सुवेदी, इलाम नगरपालिका प्रमुख प्रशासकीय अधिकृत गणेशकुमार खड्का, वडाअध्यक्षहरु, पर्यटनकर्मी लगायतको उपस्थितिमा बिरुवा रोप्ने अभियान थालिएको नगर पालिकाका प्रवक्ता नुतनदेव दुलालले जानकारी दिनु भयो । नगरपालिकाले उक्त क्षेत्रलाई गुराँसको जंगलका रुपमा बिकास गर्ने योजनाका साथ बिरुवा रोप्न थालिएको नगर प्रमुख केदार थापाले जानकारी दिनु भयो । उहाले उक्त क्षेत्रमा हजारौको संख्यामा बिभिन्न प्रजातीका गुराँसका बिरुवा रोपीने बताउनु भयो ।
इलाम नगरपालिकाले पर्यटकीय क्षेत्रको बिकास ,सौन्दयकरण, रैथाने जातका बोट बिरुवाको संरक्षण गर्दै वातावरणलाई स्वच्छ राख्ने निति अनुरुप वृक्षारोपण गर्दै आएको छ ।
