फिक्कलः इलामको सूर्योदय नगरपालिका–४, पर्यटकीय क्षेत्र अन्तुमा एक व्यक्ति सुतेकै अवस्थामा मृत भेटिएका छन्। हेटौंडा उपमहानगरपालिकाका सवारी चालक समेत रहेका ५० वर्षे सञ्जु लोप्चन तामाङ अन्तु भञ्ज्याङको एक होटलमा मृत फेला परेका हुँन ।
उपमहानगरका ८ कर्मचारीको टोलीसहित आएका उनी गएराति करिब ११ बजेतिर साथीहरूसँगै सुतेका थिए। बिहान साढे ५ बजेतिर अरू कर्मचारी उठेर उनलाई उठाउन खोज्दा मृत फेला परेको इलाका प्रहरी कार्यालय पशुुपतिनगर इन्स्पेक्टर सन्तोष राईले जानकारी दिए। उनको परिवार आए पछि मात्र शब उठाइृने प्रहरीले जनाएको छ ।
