सूर्योदय १३ मा आधारभूत स्वास्थ्य सेवा केन्द्र संचालन – Hamropalika
अर्थ वाणिज्य कृषि ज्ञान केन्द्र इलामको बार्षिक स्वीकृत कार्यक्रम सार्वजनिक पर्यटन मेची राजमार्ग मर्मत गर्दै इलाम नगरपालिका अर्थ वाणिज्य फिक्कल बजारमा नगरपालिकाको अनुगमन, ठूलो परिमाणमा म्याद गुज्रीएका अखाद्य बस्तु बरामद पालिका विशेष बेलासेमा जलवायु अनुकुलन गाउँ योजना तर्जुमा पालिका विशेष सूर्योदयमा बार्षिक प्रगति समिक्षा सम्पन्न पालिका विशेष रोङमा विद्यालय शिक्षा सुधार अभियान घोषणा अर्थ वाणिज्य पाथीभरा मन्दिरको छानविन प्रतिवेदन सार्वजनिक भएन पालिका विशेष शिक्षा दिवस नजिकिदै गर्दा शिक्षक महासंघ आन्दोलनमा,असोज ३ देखि बिद्यालय बन्द पालिका विशेष इलाम नगरपालिका ९ बाट हत्या आशंकामा तामाङ पक्राउ पर्यटन प्रकृति र संस्कृतिको संयोजनबाट पर्यटनको विकास सम्भब छ : मन्त्री किराती
Hamropalika menu advertisement

सूर्योदय १३ मा आधारभूत स्वास्थ्य सेवा केन्द्र संचालन

  • प्रकाशित मितिः September 25, 2023
  • hamro_palika

फिक्क्ल: इलामको सूर्योदय वडा नम्बर १३ मा आधारभूत स्वास्थ्य सेवा केन्द्र सञ्चालनमा आएको छ । सेवा केन्द्रको बिहिबार एक कार्यक्रमका बिच नगरप्रमुख रणबहादुर राईले उद्घाटन गर्नुभयो । उद्घाटनको अवसरमा ४५ जनाको निशुल्क प्रेसर जाँच गरिएको छ ।
राईले उक्त स्वास्थ्य सेवा केन्द्र भवन निर्माणमा सहयोग पुर्याउने सबैलाई नगरको तर्फबाट धन्यबाद दिनुभएको छ । विशेष गरी उक्त क्षेत्रको मूल समस्या खानिपानी भएको भन्दै उहाँले समस्या समाधानमा पालिका तल्लिन रहेको जनाउनु भएको छ । प्रमुख राईले ४० देखि ५० वर्ष उमेरका अविवाहित महिलाहरु र एकल महिलाहरुलाई पनि नगरले निशुल्क स्वास्थ्य बीमा गराउँदै आएको जानकारी दिनुभयो । नगरपालिकाले स्वास्थ केन्दमा चाँडै नै अनलाईन सिस्टम मार्फत बिरामीको डेटा संकलन गर्ने र रेफर सम्बन्धी काम गर्न सक्ने प्रतिबद्धता ब्यक्त गर्नुभयो । ।

कार्यक्रममा उपप्रमुख दुर्गाकुमार बरालले सिंहदरवारको अधिकार फर्केर गाउँ गाउँमा आएको भन्दै यो विकास, स्थानिय सरकारबाट मात्र सम्भव भएको दावी गर्नुभयो । नगरपालिकाका प्रमुख प्रशासकीय अधिकृत मिलन भट्टराईले स्वास्थ्य चौकीमा बिरामीहरूको सहजताको लागि हाल ८२ प्रकारका औषधिहरू निशुल्क रुपमा बितरण गरिने बताउनु भयो । गर्भवती महिलाहरुलाई भिडियो एक्सरेको व्यवस्था मिलाई खान पानमा ध्यान दिन विशेष परामर्श दिईने अधिकृत भट्टराईले बताउनुभएको छ । व्यवस्थापन समिति गठन गरी समितिले थप कार्ययोजना बनाई सेवा केन्द्रलाई अझ गुणस्तरीय बनाईने उहाँको भनाई छ ।

कार्यक्रममा वडाध्यक्ष हेमराज आचार्यले यो विकासको लागि र यहाँको सेवा केन्द्रको लागि नगरको महत्वपूर्ण भूमिका रहेको बताउनुभएको छ। रोङगाउँपालिका र सूर्योदय १३ , १४ वडाका जनताहरुलाई स्वास्थ्य केन्द्रमा पायक पर्ने भएकाले सबैलाई लाभ लिन अनुरोध गर्नुभयो। यसैबिच वडाले स्वास्थ्य सेवा केन्द्र बनाउन जग्गा दान गर्ने दाताद्धय चूडामणि कटेल र युवराज आचार्यलाई सम्मान गरिएको छ । कार्यक्रमममा माधव भट्टराई ,टिका देवी गौतम, रिता परियार , इन्दिरा कटेल र प्रविन विसीले स्वागत गीत गाएका थिए ।
यो संगै सूर्योदयका १४ वटै वडामा आधारभूत स्वास्थ्य सुविधा पुगेको नगर स्वास्थ्य शाखाका जनस्वास्थ्य निरीक्षक रविन खत्रीले जानकारी दिनु भयो ।

TOP