काठ्माण्डौ: कतारमा प्रवासी कटुवाल सेवा समाजले गायिका सुनिता कट्वाललाई सम्मान गरेको छ । प्रदेश १ का ११ जिल्लाका संस्थाहरुको संयुक्त आयोजनामा प्रदेश नम्बर १ समन्वय परिषद कतारको आयोजनामा गायिका कट्वाललाई प्रवासी कटुवाल सेवा समाजले सम्मान गरेको हो । कतारको मिसाईट स्थित अमाज क्याट्रीङ्को प्राङ्गणमा भएको सामुहिक बनभोज तथा सांस्कृतिक कार्यक्रमका लागि नेपालबाट गएकी गायीका कट्वाललाई सेवा समाजले सम्मान गरेको छ ।
संस्थाका अध्यक्ष सिताराम कटुवालको सभापतित्वमा तथा संस्थाका संस्थापक अध्यक्ष तथा सल्लाहकार संयोजक गोपाल कटुवाल प्रमुख आतिथ्यतामा भएको सम्मान कार्यक्रममा कतारमा बिभिन्न संघ संस्थामा कार्यरत कटवालहरुको उपस्थिति रहेको थियो । संस्थाका महासचिव गोबिन्द कटुवालले औपचारिक संचालन गर्नु भएको उक्त कार्यक्रममा संस्थाका उपाध्यक्ष भरत कटुवालले स्वागत मन्तव्य राख्नु भएको थियो ।
सम्मान कार्यक्रममा संस्थाका सल्लाहकार तेज कटुवाल ,सल्लाहकार बिनोद कटुवाल, सल्लाहकार, छविरमण कटुवाल लगायतले शुभकामना मन्तव्य राख्नु भएको थियो ।
उक्त सम्ममान कार्यक्रममा गायिका सुनिता कटुवालले प्रवासमा कटुवाल दाजुभाईले गरेको प्रगतिको खुलेर पंशसा गरेकी थिईन । उनले उक्त कार्यक्रममा अभिभावकत्व प्रदान गर्ने सबै कटवाल दाजुभाई प्रति धन्यवाद दिदै खुशी व्यक्त गरेकी थिईन ।
यस्तै उक्त अवसरमा गायिका कटवाललाई मोरङ ,सुनसरी , भोजपुर , धनकुटा सेवा समाज कतार लगायतका संघ संस्थाले समेत सम्मान गरेका थिए ।
