फिक्कल: एसईई नतिजा अनुासर सूर्योदय नगरपालिका १० को पंचकन्या बोर्डिङ स्कुल नगर क्षेत्रकै उत्कृष्ठ नतिजा ल्याउन सफल भएको छ । एसईईमा यो पटक ३.८ जिपीए प्राप्त गर्ने जिल्लाका उत्कृष्ठ १६ जनामा सूर्योदय—१० स्थित पंचकन्या बोर्डीङ स्कुलकी सम्पदा ढकाल र सामना गर्ड्तौला परेका हुन । उक्त नतिजा सूर्योदय नगरपालिका भित्रका संस्थागत र सामुदायिक बिद्यालय मध्येकै उत्कृष्ठ नतिजा हो ।
पंचकन्याबाट यस पटक १७ जनाले एसईई परीक्षा दिएकोमा १७ जना नै ११ मा भर्ना हुँने भएका छन । नयाँ ब्यवस्थापनमा बिद्यालय संचालनमा ल्याईए पछि पंचकन्याले बर्षेनी नतिजालाई सुधार गर्दै आएको छ । यस शैक्षिक सत्रमा ३५० जना बिद्यार्थी भर्ना भएको पंचकन्याले नगरले तोके अनुसार मात्र शुल्क बिद्यार्थीबाट लिदै आएको छ । बिद्यालयका प्रिन्सीपल यादव अधिकारीले कक्षा र बिद्यार्थीको अवस्था हेरी नगर र प्याप्सनले निर्धारण गरीए भन्दा कम शुल्क लिने गरिएको जानकारी दिनु भयो ।
उहाले भन्नु भयो‘हामी केहि नयाँ अभ्यास गरीरहेका छौ, जसले बिद्यार्थीको चौतर्फी बिकास र सुधार हुँन थालेको छ ।’ पंचकन्याले बिद्यार्थीलाई कोरा किताबी ज्ञान मात्र नभएर बिद्यालयमा बिभिन्न समयमा अतिरिक्त क्रियाकलाप समेत गराउदै आएको छ ।
सूर्योदय नगर क्षेत्रमा सामुदायीक मध्येबाट सबैभन्दा बढी कृष्णाश्रम माविका पवन श्रेष्ठले ३.७५ जिपीए ल्याएका छन् । फिक्कल माविका एकजनाले ३.७० जिपीए प्राप्त गरेका छन् । ३.६५ जिपीए प्राप्त गर्नेमा नर्वदा कल्याण बोर्डीङ स्कुल मेहेलबोटे, हिमालय माध्यमिक विद्यालय गोर्खे, फिक्कल माध्यमिक विद्यालय र पञ्चकन्या बोर्डीङ स्कुल रहेका छन् ।
१४ वटा सामुदायीक र १५ वटा संस्थागत गरि हाल सूर्योदयमा मावि तहका २९ वटा विद्यालय छन् । यसबर्ष यहाँका ७१८ जनाले एसईई परिक्षा लेखे । सामुदायीकका ४२७ र संस्थागतका २५१ ग्रेड ७१८ जनाले परीक्षा दिएकोमा १.६ जिपीए नपुगेका २४ जनाले ग्रेडवृद्धि परीक्षा लेख्नुपर्ने भएको छ । बाँकी विद्यार्थीले कक्षा ११ मा अध्ययन गर्न पाउने छन् । यस शैक्षिक सत्रबाट संस्थागत बिद्यालयको समेत नगरले अनुगमन गर्न थालेको छ ।
