इलाम जिल्ला इलाम नगरपालिका १० गोदक समावेशी टोल निवासी मिलन मगरको घरमा गए राति आगोलागी हुँदा घर पुर्ण रूपमा क्षति भएको छ । राति १ बजेको समयमा आगोलागी भएको थाहा पाएपछि स्थानियले आगो निभाउन कोशिश गरेका थिए सदरमुकाम भन्दा टाढा भएको कारण दम्कल पुग्नु अगावै घर पुर्ण रूपमा क्षति भएको हो । आगोलागीमा मानवीय क्षति नभए पनि परिवार घर विहिन बनेका छन । अनुमानित ५ लाख क्षतिभएको हुन सक्ने स्थानिय सरोज राईले जानकारी दिनुभयो । उहाँले प्रहरीले अनुसन्धान गरिरहेकाले क्षतिको पुर्ण विवरण आउन बाकी रहेको बताउनु भयो । साँझ दियो बालेको र त्यही दियो बाट आगो सल्किएको अनुमान गरिएको छ ।
