सन्दकपुर: इलामकाे सन्दकपुर गाउँपालिकाकाे १३ आै गाउँ अधिवेशनमा ३९ कराेड ८५ लाख बराबरको बजेट अघि सारेकाे छ । गाउँपालिका उपाध्यक्ष हरि बहादुर लुङ्गेली स्वास्थ्य प्रतिकुल भएपछि अनुपस्थित हुँदा वडा नं २ का वडाध्यक्ष सनम राईले ३९ कराेड ८४ लाख ६४ हजार ३२२ रूपैया बराबरको बजेट पेश गरेका हुन् । पालिकाले आर्थिक बर्ष ०८०/०८१ का लागि आन्तरिक श्राेतबाट ८ कराेड ८४ लाख ६३ हजार ३२२ रूपैया आम्दानी हुने प्रक्षेपण गरेकाे छ । संघीय सरकारबाट २७ कराेड ५६ लाख, प्रदेश सरकारबाट २ कराेड ७३ लाख १ हजार, ऋण तथा अन्य श्राेतबाट ७१ लाख आम्दानी हुने प्रक्षेपण रहेकाे छ । त्यसैगरी आज नै पेश भएकाे विभिन्न बिधेयक पारित भएकाे गाउँ अधिवेशन सचिव महेश राईले बताए ।
गाउँपालिका अधिवेशनमा वडा नं ४ का वडाध्यक्ष ढाल बहादुर गुरूङले पेश गरेकाे नीति तथा कार्यक्रम पारित भएकाे छ । वडा नं १ का वडाध्यक्ष एवम प्रवक्ता रहर कुमार राईले पेश गरेकाे राजस्व दायरा सम्बन्धि आर्थिक बिधेयक, वडा नं ३ का वडाध्यक्ष लिला वुर्जाले पेश गरेकाे गत आर्थिक बर्षकाे यथार्थ खर्च विवरण बिधेयक, वडा नं ५ का वडाध्यक्ष यज्ञ बहादुर गुरूङले पेश गरेकाे आर्थिक बर्ष ०७९/०८० काे संसाेधित अनुमान बजेट पारित भएकाे हाे ।
वडा नं २ का वडाध्यक्ष सनम राईले पेश गरेकाे आर्थिक बर्ष ०८०/०८१ काे बजेट तथा कार्यक्रम र मध्यमकालिन खर्च संरचना आगामी बैठकबाट पारित गर्ने गरि प्रस्तुत भएकाे छ ।
प्रस्तुत प्रस्ताव माथि दिपक राई, साेम साउदेन, कुमार गुरूङ, पासाङ शेर्पा, नरमाया थेवे, ताेरण मुखिया लगायतले सुझाव पेश गरेका थिए । गाउँपालिका अध्यक्ष तुलाराम गुरूङले सभाध्यक्ष गरेका थिए ।
