फिक्क्ल: इलामको सूर्योदय नगरपालिका ११ मा लुङ्खिम राई भाषा प्रशिक्षण कार्यक्रम सम्पन्न भएको छ । लोप हुँदै गएको भाषालाई बचाउनका लागि सूर्योदय नगरपालिकाको आयोजनामा ३० दिने भाषा प्रशिक्षण कार्यक्रम सम्पन्न भएको हो ।
लुङ्खिम राई समाजका अध्यक्ष जंग बहादुर राईको अध्यक्षता तथा सूर्योदय नगरपालिकाका नगर उपप्रमुख दुर्गा कुमार बरालको प्रमुख आतिथ्यतामा सम्पन्न कार्यक्रममा सहभागीलाई प्रमाणपत्र बितरण गरिएको थियो ।
कार्यक्रमा वडा नं.११ का वडा अध्यक्ष सन्तोष राई , कार्यपालिका सदस्य लतादेवी अधिकारी, वडा समिति सदस्य पूर्ण बहादुर राई लगायतको उपस्थिति रहेको थियो । सूर्योदय नगरपालिकाको आर्थिक सहयोग तथा लुङ्खिम राई समाज नेपालको आयोजनमा सूर्योदय नगरपालिका १०, ११ र १२ भित्र बसोबास गर्ने ३० बढीलाई प्रशिक्षण दिइएको थियो ।
२०७८ सालमा भाषा आयोगले लुङ्खिम भाषाको शब्दकोष निमार्ण, वर्ण पहिचान र आधारभूत तहको पाठ्यपुस्तक निमार्ण गरी समाजलाई हस्तान्तरण गरिसकेको र सोको आधारमा भाषा विज्ञ अरुण कुमार राईले प्रशिक्षण गराउनु भएको जानकारी समाजका अध्यक्ष राईले जानकारी दिनु भयो ।कार्यक्रममा उप प्रमुख दुर्गा बरालले भाषा संस्कृति संरक्षण्मा नगरले सहयोग गर्ने बताउनु भयो ।
