फिक्कल: जिल्ला प्रशासन कार्यालय इलामले पाथीभराको हिसाव छानविन गर्न मंगलबार एक समिति बनाएको छ । सहायक प्रमुख जिल्ला अधिकारी ध्रुव प्रसाद कोईरालाको संयोजकत्वमा कोष तथा लेखा नियन्त्रण कार्यालय , शहरी बिकास तथा भवन निर्माण कार्यालय , अडिटर एसोसीएसन र गाउँपालिकाका प्रतिनिधि रहने गरी समिति बनाएको हो ।
प्रशासनले संस्था दर्ता ऐन २०३४ को दफा १०(१) अनुसार समितिले २५ दिन भित्रमा अनियमितताको सत्यतथ्य छानविन गरी प्रतिवेदन बुझाउन समय दिएको छ । प्रशासनले उक्त समितिले माग गरेको समयमा पाथीभरा संरक्षण संस्थाले सबै हिसावकिताव दिनु पर्ने, बैंक र लकरको समेत विवरण लिने, समितिले निर्माण गरेको कार्यको प्राविधिक नापजाँच गराउने, २०७३ श्रावण १ गते देखि २०७९ माघ मसान्त सम्मको हरहिसाव हेर्नु पर्ने निर्णय गरेर समितिलाई जिम्मा दिएको प्रमुख जिल्ला अधिकारी श्रवण कुमार पोखरेलले जानकारी दिनु भयो । उहाका अनुासर समितिले जेठ ३२ गर्ते गर्ने भनीएको साधारण सभा समेत लेख परीक्षण प्रतिवेदन र समितिको छानविन प्रतिवेदन सार्वजनिक गरे पछि मात्र गर्न निर्देशन दिएको जानकारी दिनु भयो । सहायक प्रमुख जिल्ला अधिकारी तथा समिति संयोजक ध्रुव प्रसाद कोईरालाले समितिले तत्काल काम थाल्ने जानकारी दिनु भयो । गाउँपालिकाले भने उक्त समितिको सदस्य तोक्न वाँकी छ ।
