फिक्कल: इलामको सूर्योदय नगरपालिका ९ मा रहेको बिष्णुज्योति आधारभूत बिद्यालयलाई सरस्वतीको मन्दिर हस्तान्तरण गरिएको छ । स्थानीय खेटकुमारी सापकोटाले निजि लगानीमा बिद्यालय परिसरमा निर्माण गर्नु भएको मन्दिर एक कार्यक्रमको आयोजना गरी पुजा गरेर बिद्यालयलाई हस्तान्तरण गरिएको हो । सापकोटाले आफुले पाएको सामाजिक सुरक्षा भत्ताबाट बचाएर मन्दिर निर्माण गर्नु भएको हो ।
बिद्यालय ब्यवस्थापन समिति अध्यक्ष बेदप्रसाद दुलालको अध्यक्षता तथा वडाध्यक्ष देवेन्द्र शर्माको प्रमुख आतिथ्यता र मन्दिर निर्माण कर्ता सापकोटाको सहभागीतामा उक्त कार्यक्रम सम्पन्न भएको थियो । कार्यक्रममा वडाध्यक्ष शर्माले बृद्ध आमाले बिद्यालय प्रति देखाउनु भएको सदभाव सबैका लागि अनुकरणीय भएको बताउनु भयो । कार्यक्रममा बिद्यालयको आय-ब्यय अर्चन ढुंगानाले प्रस्तुत गर्नु भएको थियो भने स्वागत मन्तब्य बिद्यालयका प्रधानाध्यापक संगीता घिमिरेले राख्नु भएको थियो ।
