सरस्वती माध्यामिक बिद्यालय भालुझोडाले आफ्नो स्थापनाको पचास बर्ष आईतबार र सोमबार बिभिन्न कार्यक्रमको आयोजना गरी मनाउने भएको छ ।
२०३० बैशाख १० गते स्थापना भएको बिद्यालय २०५५ सालबाट निम्न माध्यामिक हुदै २०६६ बाट माध्यामिक तहको कक्षा १० सम्म सचालित रहेको छ । बैशाख १७ र १८ गते दुईदिन बिभिन्न कार्यक्रम गरेर मनाईने ५० आंै बार्षिक उत्सव (स्वर्ण महोत्सवको ) कार्यक्रम अनुसार १७ गते उद्घाटन , स्वर्ण महोत्सवको स्तम्भ अनावरण,राष्टपती शैक्षिक सुधार योजना अन्तगत नवनिर्मित चारकोठे भवन उद्घाटन,स्थापना कालदेखि हालसम्मका शिक्षक,बिद्यालय ब्यवस्थापन समितिका पदाधिकारी, शिक्षक अभिभावक संघका सदस्यलाई सम्मान र मायाको चिनो बितरण ,पुर्व शिक्षक तथा वर्तमान अध्यक्ष समाजसेवी आरबी गुरुङले बिद्यालयलाई दिनु भएको योगदानको मुल्यांकनको कदर गर्दै दिर्घ सेवा पदक प्रदान गरिने भएको छ ।
साथै समुदायमा रहेका बिभिन्न आठ जाती राई,लिम्वु,गुरुङ,तामाङ ,भुजेल,सुनुवार र खस संगीनी झाकी समेत प्रस्तुत गरीने कार्यक्रम रहेको बिद्यालयका प्रधानाध्यापक प्रेम बहादुर राईले बताए ।यसैगरि १८ गते रोङ गाउँपालिका भरीका बिद्यालय र बिभिन्न क्लवकको साथमा नृत्य , गायन सहितको सांस्कृतीक कार्यक्रम सहित समापन गरिने छ ।
