लामो समय सम्म स्तरोन्नती हुन नसकेको हर्कटे –तारगाउँ –जिर्मले सडकको बिकल्पमा सूर्योदय नगरपालिका – ६ तारगाउँ क्षेत्रमा बनेको बार्हमासे सडकले रोङ–६ रम्भ्याङ वासिका लागि भरपर्दाे सडक मार्ग बनेको छ ।
२०३५ सालबाट निर्माण थालिएको हर्कटे तारगाउ जिर्मले माथिल्लो सडक केन्द्रिय स्तरको सडक हो । तर, सडक निर्माण कार्य नभएपछि सूर्योदय नगरपालिका –६ ले तारगाउँको बिचबाट बनेको हर्कटे तारगाउँ महेन्द्रबेसी आलगैरी हुदै जिर्मले जोडिएको छ ।तारगाउँखोला र राममन्दिर आसपासमा नालीपेटि सहित ग्राभेल समेत गरिएको छ ।
बिकट ठाउँलाई सजिलो बनाएपछि सिङ्गो तारगाउँ सहित जिर्मले वासिको लागि भरपर्दो बिकल्प बनेको हो । वडाध्यक्ष शिवकुमार बस्नेले भने ‘समयमै काम सकेर नागरिकलाई सजिलो अनुभुति दिने मेरो प्रयास हो ।’
यसबर्ष तारगाउँ खोलाबाट करिव १.५ किमि नालिपेटि र ग्राभेल गर्न १ करोड १० लाख बजेट बिनियोजन भयो । त्यसले तारजाली र ह्युम पाईप राखेर बाह्मासे सडक बनाउदै लैजाने आफ्नै कार्यकालमा अगाडिको भागमा स्तरउन्नति र कालोपत्रे गरेर वडा नम्बर ६ का नागरिकलाई सहज बनाउने उनले योजना सुनाए ।
अघिल्लो कार्यकालमा निक्कै बिवाद र चर्चामा रहेका वाडध्यक्ष बस्नेत दोस्रो कार्यकालमा निर्वाचित बनेपछि शुरुबाट बिकासको काममा फड्को मार्न थाले । अघिल्लो कार्यकालमा अनावश्यक बिबादमा तानिने गरेको भएपनि अव काम गर्न कुनै अडचन नहुदा लक्ष्य अनुसारको प्रगति निर्धारित समय अघि प्राप्त गर्न सक्नेमा ढुक्क रहेको बताए ।
