स्वास्थ्यको पहुँचमा पुग्न नसकेका गाउँगाउँका नागरिकको लागि रोङ गाउँपालिका रोगीको खोजिमा निरन्तर लागेको छ ।
रोङ गाउँपालिका स्वास्थ्य शाखाको प्रयासमा गाउँपालिकाका महिलाको पाठेघर र स्तन क्यान्सरको परिक्षण ( भिआईए ) जाँच गरी रोगको पहिचान,परामर्श र उपचारको कार्यमा निरन्तर लागिरहेको प्रमुख प्रशाशकी अधिकृत दिपेन्द्र दहालले बताउनु भयो ।
गाउँपालिका स्वास्थ्य शाखाको बार्षिक कार्ययोजना अनुसार चालु बर्षमा गाउँपालिका भित्र बिभिन्न ९ स्थानमा परीक्षण गरिने योजना अनुसार हालसम्म रोङ १ र २ मा सयुक्त शिविर सचालन गरि ३ सय ५० ,रोङ ५ मा ८७ ,रोङ ३ को कोल्वुङमा ८८ र रोङ ६ को रम्भ्याङमा १ सय १० जनागरी कुल ६ सय ३५ जना महिलाको परीक्षण गरिसकिएको छ ।
जिर्मले,सलकपुर बरफल्याङ ,भालुझोडा र धनशारमा शिबिर सचालन गरिने योजना रहेको स्वास्थ्य शाखा प्रमुख युवराज काफ्लेले बताउनु भयो । शिविरमा डाक्टर रामकृष्ण आचार्य ,बिकाश गजमेर,ममता दियाली,सबिना अर्याल लगायतको स्वास्थ्यकर्मीको टिमले सेवा दिएका थिए ।
शिबिरमा पहिचान भएका रोगिलाई लगातार फलोअप गरी रोगीको अवस्था हेरी परामर्ष र उपचारको लागि सुबिधा सम्पन्न अस्पताल सम्म रेफरको ब्यवस्ता गरिने शाखा प्रमुख काफ्लेले जानकारी दिनु भयो ।यसरी गाउँमै आएर स्वास्थ्य सेवा दिदा र नागरिकले सहज सेवा पाएकोमा स्थानीय सरकारको अनुभूति भएको स्थानीय खगा प्रधानले बताउनु भयो ।
