कन्याम : इलामको पर्यटकीय क्षेत्र कन्याममा स्वास्थ्य शिविर सम्पन्न भएको छ । बीरता लेडी जेसिजको आयोजना र कन्याम होटल ब्यवसायी समूह को सहआयोजनामा निशुल्क स्वास्थ्य शिबिर सम्पन्न भएको हो । स्वास्थ्य शिविरलाई नोवेल मेडिकल कलेजको प्राविधिक सहयोग प्रदान गरेको थियो ।
सूर्योदय नगरपालिका ७ स्थित कृष्णाश्रम मा वि मा सम्पन्न शिबिरबाट सूर्योदय नगरपालिका वडा नं ६, ७ र ८ का नागरिक, कन्याम चियाबगानका मजदुर विद्यालयका विद्यार्थी गरि २१२ महिला र १२३ पुरूष गरि जम्मा ३३५ नागरिकले निशुल्क स्वास्थ्य परीक्षण तथा उपचार सेवा लिएको सहआयोजक टेकराज गिरीले जानकारी दिए ।
बिराटनगर स्थित नोबेल मेडिकल कलेज बाट आएका बिशेषज्ञ डाक्टरहरूले जनरल मेडिसिन, स्त्री रोग ,हाड जोर्नी ,नाक कान घाँटी रोग, छाला रोग, शल्यक्रिया, आँखा, , बाल रोग, दन्त रोग , मुटुरोग , भिडियो एक्स–रे र रगत पिसाब को परीक्षणको सेवा दिएका थिए ।
परिक्षण स्थलमै कतिपय बिरामीलाई निशुल्क दवाई पनि बितरण गरिएको थियो । निशुल्क स्वास्थ्य शिविरको बिरता लेडी जेसिजका अध्यक्ष जेसी संगीता गिरीको अध्यक्षता अनि सूर्योदय नगरपालिकाका प्रमुख रण बहादुर राईको प्रमुख अतिथ्यतामा छोटो औपचारिक कार्यक्रम गरि शुभारम्भ भएको थियो ।
