फिक्कल: इलामका १० स्थानीय तह मध्ये सूर्योदय नगरपालिकामा सबै भन्दा कम बेरुजु भएको छ ।महालेखा परीक्षकको कार्यालयले हालै सार्वजनिक गरेको प्रतिवेदन अनुासर आर्थिक बर्ष २०७८/७९ सूर्योदयमा १ दशमलब ०९ प्रतिशत मात्र बेरुजु रहेको छ । यो नै इलामका १० पालिका मध्येको सबैभन्दा कम बेरुजु हो ।
सूर्योदय नगरपालिकामा आर्थिक बर्ष २०७७/७८ मा १ दशमलब ७४ प्रतिशत बेरुजु थियो । बेरुजु कम हुँदै जानु उपलब्धि मूलक काम भएको सूर्योदय नगरपालिकाका नगर प्रमुख रण बहादुर राईले बताउनु भयो । ‘नगरपालिकामा सुशासनको प्रत्याभूति हुने गरी कार्यसम्पादन भैरहेको यहि प्रतिवेदनले पुष्टि गर्छ’ नगर प्रमुख राईले भन्नु भयो ।
सूर्योदय नगरपालिकालाई प्रविधिमैत्री नगरपालिका बनाईएको छ । सबै आर्थिक कारोबार अनलाईन मार्फत गरिदै आएको नगरपालिका यस अघि नै आर्थिक बिकास तर्फ देशकै पहिलो भैसकेको छ ।
४ नगरपालिका र ६ गाउँपालिका रहेको इलामको सन्दकपुर गाउँपालिकामा सबै भन्दा बढी ५ दशमलब ६७ प्रतिशत बेरुजु देखाएको छ । दोस्रो बढी बेरुजु हुनेमा रोङ गाउँपालिका ३ दशमलब ६१ प्रतिशत र तेस्रोमा फाकफोकथुम गाउँपालिका ३ दशमलब ०५ प्रतिशत बेरुजु रहेको छ ।
सूर्योदय नगरपालिकाका प्रमुश प्रशासकीय अधिकृत मिलन भट्टराईले बेरुजु शून्यमा झाने लक्ष्यनगरको रहेको बताउनु भयो । उहाले बेरुजु घटाउदै जानका लागि जनप्रतिनिधि र कर्मचारीले अझ बढी ध्यान दिनु पर्ने बताउनु भयो ।
नगरका आन्तरिक लेखा परिक्षण अधिकृत प्रदिप चापाँगाईले आर्थिक नियमको पालनमा ध्यान सके बेरुजु शुन्यमा झान सकिने बताउनु भयो । उहाले भन्नु भयो ‘ अनावश्य खर्च कम गर्दै आलेपका सुझावलाई पालन गर्न सके बेरुजु आफै कम हुँदै जान्छ ।’
इलामका १० पालिकामा १ अर्व ८९ करोड ५८ लाख ४ हजार १ सय ५८ रुपियाँको लेखा परिक्षण गर्दा ७३ लाख ५९ हजार ७ सय ३३ रुपियाँ बराबरको ३ दशमलब ८८ प्रतिशत बेरुजु आएको छ । समग्रमा इलामका सबै स्थानीय पालिकामा बेरुजु कम हुँदै गएको पाइृएको छ ।
