फिक्कल: सूर्योदय नगरपालिकामा आगामी आर्थिक बर्ष २०८०÷८१ को नीति तथा कार्यक्रम माथी सरोकारवाला संग छलफल भएको छ ।बिहीबार नगरले स्थानीय सरोकारवाला संग आगामी आर्थिक बर्षको नीति कार्यक्रम माथी समुहगत रुपमा छलफल गरेको हो । छलफलमा आएका बिषयलाई नगरसाभामा राखीने नगरले जनाएको छ ।
सूर्योदय नगरपालिका आर्थिक बिकास समितिका संयोजक देवेन्द्र शर्माको अध्यक्षता तथा नगर प्रमुख रणबहादुर राईको प्रमुख आतिथ्यतामा सम्पन्न छलफलमा जनप्रतिनिधि, कर्मचारी, बिभिन्न क्षेत्रका सरोकारवाला लगायतको सहभागीता रहेको थियो । कार्यक्रममा नगरको पर्यटन, सहकारी , उद्योग ब्यपार, कृषि , पशु श्रम रोजगार जस्ता सात वटा बिषयमा समुहगत रुपमा छलफल भएको थियो । आर्थिक सबकास समिति संयोजक शर्माले छलफलमा आएका सवालहरु नगरको नीति कार्यक्रममा समावेस गरीने जानकारी दिनु भयो ।
छलफलका क्रममा सहभागीले कृषि लगायत सबै क्षेत्रको तंथ्याक नगरमा राख्नु पर्ने, कृषि अनुदान सहित ठाउँमा पुग्नु पर्ने , बाझो जमिनलाई कृषि योग्य बनाईनु पर्ने लगायतका सुझाव दिएका थिए । कार्यक्रममा किसान मोहन लाप्चाले कृषि अनुदानका कार्यक्रम सहित किसानकोमा नपुग्ने र पहुँचवालाकामा पुग्ने भएकाले कटौती गर्नु पर्ने माग राख्नु भयो । कार्यक्रममा संचारकर्मी तथा पर्यटनका जानकार केदार शर्माले सूर्योदयको कृषि उपजलाई बंगलादेश निर्यातका लागि पहल गर्नु पर्ने बताउनु भयो । उहाले बजारीकरणको समस्या समाधान गर्न सरकारले ध्यान दिनु पर्ने बताउनु भयो ।
सम्बन्धित क्षेत्रका ब्यक्तिले समुहगत रुपमा छलफल गरी नीति तथा कार्यक्रममा समाबेस गर्नु पर्ने बिषयो नगरलाई सुझाव दिएका छन् । कार्यक्रममा नगर प्रमुख रणबहादुर राई , उप प्रमुख दुर्गाकुमार बराल , प्रमुख प्रशासकीय अधिकृत मिलन भट्टराई, महिला बालबालिका शाखा प्रमुख तारा शेर्पा , कृषि शाखा प्रमुख अस्मिता गदाल , रोजगार शाखा प्रमुख बिष्णु रिजाल , पशु शाखा प्रमुख बिपिन कुमार सिंह लगायतको सहभागीता रहेको थियो ।
