फिक्कल: इलामको सूर्योदय नगरपालिकामा ५० करोड लागतमा सम्पन्न हुँने आयोजनाको निर्माण कार्य प्रारम्भ भएको छ । सूर्योदय नगरपालिकाको शहरी विकासको क्षेत्रमा पूर्वाधार निर्माण सहितका काम शुरु भएको हो ।
यी आयोजना सम्पन्न हुँदा नगर क्षेत्रमा ती आयोजनाले महत्वपूर्ण भूमिका खेल्ने नगर प्रमुख रणबहादुर राईले जानकारी दिनु भयो ।२० महिनाभित्र सम्पन्न गर्ने गरी बिहिबारबाट आयोजनाको निर्माण कार्य प्रारम्भ भएको छ।
आयोजना नगरका ८ वटा बडामा सम्पन्न हुनेछन । नगर प्रमुख राईका अनुसार नगरमा एक नमूना बस्ती , एक कृषि संकलन केन्द्र , सवारी साधन पार्क, पोखरी संरक्षण र आठ किमी कोलोपत्रे सडक निर्माण हुनेछ।
सूर्योदय नगरपालिकाको शहरी विकासको निम्ति नगरपालिकाले थप नवपर्वतनका कार्यक्रमलाई निरन्र्तता दिईने नगर प्रमुख राईले जानकारी दिनु भयो ।आयोजना सहरी सघन कार्यालयको आर्थिक सहयोगमा सम्पन्न गरिने छ ।
