फिक्कल: सेवाग्राहिको गुनासोका आधारमा जिल्ला प्रशासन कार्यालय इलामले इलाम बजारमा संचालित दुईवटा तालिम सेन्टरका काजगपत्र नियन्त्रणमा लिएको छ । बैदेशीक रोजगारका लागि भाषा तालिम दिईने केएमटी कलेज र शिप सिकाउने एस स्टील तालिम सेन्टरका कागजपत्र प्रशासनले आज नियन्त्रणमा लिएको हो ।
जिल्ला प्रशासन कार्यालय इलामका अधिकउत यादव राउतको नेतृत्वमा , जिल्ला प्रहरी कार्यालय, घरेलु कार्यालय, करदाता सेवा कार्यालय, र शिक्षा समन्वय इकाईका प्रतिनिधि सहितको टोलीले अनुगमन गर्दा ती तालिम सेन्टरको दर्ता , वविकरण जस्ता समस्या देखिए पछि कागजात नियन्त्रणमा लिईएको प्रमुख जिल्ला अधिकारी श्रवणकुमार पोखरेलले जानकारी दिनु भयो । उहाले संकलन गरिएका कागजातको छानबिन गरीने जानकारी दिनु भयो । उहाले भन्नु भयो‘हामीले ती तालिम सेन्टरलाई थप कागजपत्र पेश गर्न ७ दिनको समय दिएका छौ, आवश्यक कागजात पेश नगरे कारवाही हुन्छ ।’
तालिम सेन्टर बढी रकम असुलेको लगायतका गुनासो आउने गरेको छ ।पछिल्लो समय सरकारले कोरियामा मौषमी कामदार पठाउन पूर्ण रुपमा बन्द भैरहेको जानकारी गराई रहदा समेत कोरिया पठाउने भन्दै प्रतिब्यक्ति ९० हजार लिएर स्टील तालिम दिईरहेको पाईएको छ । केहि पालिकाबाट गएका ब्यक्तिलाई यसरी तालिम दिईने गरिएको छ । प्रशासन कार्यालयले मौषमी कामदार कोरीया पठाउन भन्दै दिइएको तालिममा बढी शुल्क लिएको गुनासो आए पछि अनुगमन गरिएको जनाएको छ ।
कोरीया सरकारले नेपाली कामदार मौषमी कामदारका रुपमा लैजान पूर्ण रुपमा यस अघि नै रोक लगाईसकेको छ । कुनै पालिकामा मौषमी कामदार लैजाने सहमती नभए पनि केहि ब्यक्तिको भरमा ब्यक्ति छनौट गरी तालिम दिने काम भैरहेको छ ।
