इलाम: इलामको सूर्योदय नगरपालिका आर्थिक विकास क्षेत्रमा देशकै उत्कृष्ठ भएको छ ।नेपाल नगरपालिका संघले सोमबार काठ्माण्डौमा आयोजना गरेको कार्यक्रममा स्थानीय आर्थिक विकास क्षेत्रमा देशकै उत्कृष्ठ नगरपालिका घोषणा गर्दै पुरस्किृत गरिएको हो ।
२ सय ९३ पालिकामध्ये स्थानीय आर्थिक विकास क्षेत्रमा सूर्योदय नगरपालिकाले उत्कृष्ट नगरपालिका पुरस्कार प्राप्त गरेको नगर प्रमुख रणबहादुर राईले जानकारी दिनु भयो ।प्रशासक काशीनाथ दाहालको संयोजकत्वमा अर्थ, संघीय मामिला, शिक्ष , स्वास्थ्य कृषि मन्त्रालय सहित बितिय आयोगका १५ जना बिज्ञको टोलीले अध्ययन गरी बिभिन्न मापदण्डको आधारमा उत्कृष्ठ नगरपालिका घोषणा गरेको छ । स्थानीय आर्थिक बिकासमा सूर्योदय संगै सामाजिकमा ललितपुर महानगरपालिका र सहरी योजना तथा पूर्वाधार बिकास तथा बिपत ब्यवस्थपनमा भरतपुर महानगरपालिका पहिलो भएको छ ।
एक कार्यक्रमाका बिच प्रधानमन्त्री पुष्पकमल दाहाल प्रचण्डबाट नगर प्रमुख राईले उत्कृष्ठ नगरपालिकाको प्रमाणपत्र ग्रहण गर्नु भयो । उहाले सूर्योदय नगरपालिकाले आफ्ना सबै क्षेत्रलाई परिष्कृत गर्दै चौतर्फी विकासको मार्गमा अघि बढेको बताउनु भयो । नगर प्रमुख राईले भन्नु भयो ‘आर्थिक रचना र प्रणालीले विधि पद्धति र मानव सम्वन्धमा परिवर्तन ल्याउन सक्छ।’उहाले सूर्योदय नगरपालिकाले आर्थिक रचना र प्रर्णालीलाई आफ्नो कार्य प्रविणता ठानेको बताउनु भयो । नगर प्रमुख राईले परिवर्तनको अनुभूति गर्न समयको प्रतिक्षा गर्नु पर्ने भए पनि सूर्योदयको मार्ग स्पष्ट भैसकेको जानकारी दिनु भयो । उहाले सूर्योदयको बिकासले स्पष्ट चित्रहरू देखिन थालेको बताउनु भयो ।
उहाले सूर्योदय नगरपालिकालाई उत्कृष्ट नगरपालिका बनाउन सहयोग गर्ने कर्मचारी सहित सबैलाई धन्यवाद दिनु भएको छ । सूर्योदय नगरपालिका स्थानीय तह संस्थागत क्षमता स्वमूल्याङ्कन –Local Government Institutional Capacity Self–Assessment मा हालसम्मको प्रथम र पालिकामध्ये दोस्रो र कार्य सम्पादनमा पनि निकै राम्रो अवस्था रहेको छ । सूर्योदय नगरपालिकाले सार्वजनिक सेवालाई सुदृढीकरण गर्दै आधुनिक प्रशासनलाई जनउत्तरदायित्व, नैतिकतापूर्ण , कार्यप्रवीणता बनाउन स्पष्ट दृष्टिकोण तयार गरीसकेको छ ।
नगरले जनताको गुनासो सुन्न “ गुनासो चौतारी “ बडा–बडामा प्रारम्भ गरेको छ। नगरपालिकाको एप्स खुल्ला गरेको छ। प्रविधिमा फडको मारेको नगरले हस्तलिखित कागजपत्र बिस्थापन गर्दै डिजिटलाईज गरेको छ । शिक्षा, स्वस्थ्य , कषि र पशुपालनमा निरन्तर लागि रहेको नगरपालिका कोशी प्रदेशको पर्यटकीय नगरी समेत हो ।सूर्योदय नगरपालिका बालमैत्री नगरपालिका समेत घोषणा भैसकेको छ ।
