फिक्कल: इलामको पशुपतिनगरबाट भन्सार छलेर भारत लैजादै गरिएको ११ लाख मुल्य बढीको चुरोट र पोस दाना शसस्त्र प्रहरी पशुपतनगरले बरामद गरी भन्सारमा बुझाएको छ ।
सशस्त्र प्रहरी बल बिओपी) पशुपतिनगरका सशस्त्र प्रहरी निरीक्षक दिनेश आचार्यको कमाण्डमा खटिएको प्रहरी टोलीले भन्सार छलेर अवैध रुपमा भारत लैजादै गएिको साहारा चुरोट र पोस दाना बरामद गरी मंगलबार पशुपतिनगर भन्सार दाखिला गरेको हो ।
उक्त सामानको ११ लाख ७५ हजार रुपियाँ मुल्य निर्धारण गरी भन्सार दाखिला गरिएको छ । मानेभञ्ज्याङ रोडमा भारत लैजादै गर्दा प्रहरीले फेला पारेको उक्त सामान कस्ले लैजादै गरेको भन्ने खुलेको छैन । प्रहरी पुग्नु अघि नै बेवारीसे अवस्थामा सामान छोडेल लैजाने ब्यक्ति फरार भएको भन्सार कार्यालयले जानकारी दिएको छ । भन्सार दाखिला भएको सामग्री लिलामी प्रक्रियामा लगिने भन्सार कार्यालय पशुपतिनगरले जनाएको छ ।
पशुपतिनगर नाका भएर अवैध रुपमा चुरोट लगायतका बस्तु बिगत देखि नै भारत लैजाने गरिएको छ । प्रहरीले सीमा क्षेत्रमा निगरानी गर्दै आएको छ ।
