इलाम: इलाम नगरपालिका वडा नम्बर ५,बरबोटेमा रहेको राम जानकी मन्दिरले शिव महापुराण ज्ञान महायज्ञको आयव्यय सार्वजनिक गरेको छ । आज एक कार्यक्रम गरी मन्दिरका सचिव युवराज दाहालले महायज्ञको आम्दानी र खर्च सार्वजनिक गर्नुभएको हो । सचिव दाहालका अनुसार मन्दिरले विभिन्न शिर्षक अन्र्तगत १३ लाख ८० हजार ८ सय ९७ रुपैयाँ आम्दानी गरेको छ ।यस्तै महायज्ञ अवधिभर ६ लाख ५२ हजार ७ सय ३० रुपैयाँ खर्च भएको उल्लेख छ ।सम्पूणर् खर्च कटाएर ७ लाख २८ हजार १ सय ६७ रुपैयाँ बचत भएको कोषाध्यक्ष टिका प्रसाद भण्डारीले जानकारी दिनुभयो ।महायज्ञमा विभिन्न दाताहरुबाट पूजा सामाग्री,दिवा खाजा र एक थान ठूलो घण्टी प्राप्त भएको उल्लेख छ ।मन्दिरले महायज्ञ अवधिभर महत्वपूणर् सहयोग गर्ने १५ जनालाई सम्मान पनि गरेको छ ।महायज्ञमा अपेक्षा गरीए भन्दा धेरै भक्तजन आएको साथै समावेशी पनि भएको पुराण संयोजक लिलानाथ लम्सालले बताउनुभयो ।गत माघ २८ गतेदेखी फाल्गुन ७ गतेसम्म राम जानकी मन्दिर परिसरमा शिव महापुराण ज्ञान महायज्ञको आयोजना भएको थियो ।
