फिक्कल: इलामको रोङ गाउँपालिका १ नेहितमा बाख्रा पालन ब्यवस्थापन तालिम सम्पन्न भएको छ । सहारा नेपाल बचत तथा ऋण सहकारी संस्था लिमिटेड फिक्कल सेवा केन्दको आयोजनामा रोङ गाउँपालिका १ र २ का समुहमा आवद्ध महिलाहरुका मंगलबार बाखा्र पाल ब्यवस्थापन तालिम सम्पन्न गरेको हो ।
महिला समुहकी अध्यक्ष लक्ष्मी राईको अध्यक्षता तथा रोङ गाउँपालिका १ का वडाध्यक्ष मनोहरी खड्काको प्रमुख आतिथ्यततामा सम्पन्न भएको थियो । सहारा नेपाल बचत तथा ऋण सहकारी संस्था लिमिटेड फिक्कल सेवा केन्द प्रमुख कल्पना ढुंगानाले स्वागत मन्तब्य राख्नु भएको उक्त कार्यक्रम ३ वटा समुह सहितका गरी ३० बढी ब्यवसायीक बाख्रा पालन गर्दै आएका महिलाको सहभागिता रहेको थियो ।
कार्यक्रममा वडाध्यक्ष खड्काले सहाराले कृषकको घर सम्म पुगेर गरेको तालिमले किसानलाई थप ब्यवसायीक बन्न सहयोग पुग्ने बताउनु भयो । उहाले सहाराको शेयर सदस्या समुहमा रहेका सामान्य सदस्यले समेत पाउनु पर्ने बताउनु भयो । वडाध्यक्ष खड्काले आगामी दिनमा वडामा सहाराले गर्ने कार्यक्रममा वडाले समेत सहकार्य गर्ने बताउनु भयो ।
सहारा नेपाल बचत तथा ऋण सहकारी संस्था लिमिटेडका पशु प्राविधिक रमेश घिमिरेले बाखा्र पालन ब्यवस्थापन सम्बन्धि तालिम संचालन गर्नु भएको थियो । उहाले बाख्रा पालन गर्दा ध्यान दिनु पर्ने पक्षा, ठाउँ अनुासर पालन गर्ने बाख्राका जात, बाख्रामा लाग्ने रोग, बाख्रालाई खुवाईने घास , दाना र ब्यवसायीक पक्षका बिषयमा तालिम दिनु भएको थियो ।
कार्यक्रममा सहारा नेपालले प्रदान गर्दै आएका सेवा सुविधा, बचत ,ऋण ,वित्तीय साक्षरता , बस्तु तथा सेवाको बारेमा शाखा प्रमुख ढुंगानाले जानकारी दिनु भएको थियो । संस्थाका कर्मचारी प्रेम राईले संचालन गर्नु भएको कार्यक्रममा कायक्रमकी अध्यक्ष लक्ष्मी राईले सहाराले दिएको तालिमले आफु सहितका महिलालाई ब्यवसायीक बाख्रा पालनमा लाग्न सहयोग पुगेको बताउनु भएको थियो । सहाराले कृषि र पशु क्षेत्रमा समेत किसानलाई सहयोग गर्दै आएको छ ।
रोङ गाउँपालिका १ का वडाध्यक्ष मनोहरी खड्का आफना कुरा राख्दै
