फिक्कल: दक्षिणी इलामको रोड. गाउँपालिका ६ को पाटापुर गाउँलाई जलबायु अनुकुलित नमूना गाउँ घोषणा गर्ने अन्तिम तयारी गरिएको छ । भारतसँगको सीमावर्ति मेची किनारमा रहेको चुरे क्षेत्र पाटापुरका बासीन्दालाई स्थानीय हावापानी सुहाउदो बीउ बाली , खेती प्रणाली प्रवद्र्धन र अन्य तालिम तथा सचेतना कार्यक्रम संचालन गरिएको छ । यस्तै सोलार लिफ्टीडं प्रविधिको सीचाई आयोजना निर्माण गरिएको छ ।
चुरे क्षेत्रको पाटापुरमा सीचाइको लागि नामसालिड. सामुदायिक विकास केन्द्र मार्फत सोलार लिफ्टीड. प्रविधिको सीचाई आयोजना उद्घाटन गरिएको छ । गाउँपालिका र स्थानीय पहलका लागि क्यानेडियन कोषको लागत साझेदारीमा कार्यक्रम संचालन भएको हो । आयोजनाको संयुक्त रुपमा कोषका काउन्सीलर कोलीन र गाउँपालिका अध्यक्ष सुवास स्याड.्वोले बुधबार उद्घाटन गर्नुभयो ।
नामसालिड. सामुदायिक विकास केन्द्रका टिमलिडर हिराकाजी घलेका अनुसार गाउँमा रहेको सुख्खा जमिनमा सीचाई सुविधा उपलव्ध गराई यहाँ जलवायु अनुकुल बाली विस्तार गर्न ६० घर परिवारलाई सहयोग पुगेको छ । पाटापुरमा बाँदर हात्ती र बाघ जस्ता बन्यजन्तुले हानी नोक्सानी नगर्ने बाली विकासका लागि बीउ वितरण गरिएको छ । यस्तै यहाँका खेत बारीमा प्रयोग गर्न मीनी पावर टिलर, कुटानी पीसानी मील र च्यापकटर मेशीन वितरण गरिएको छ ।
गाउँमा ६ वटा लघु उद्यम संचालन शुरु भएको गाउँ पालिका अध्यक्ष सुवास स्याड.्वा्ले बताउनुभयो । पाड.्गारिक खेती प्रवद्र्धनका लागि २० घरधुरीमा स्थानीय श्रोत र साधन प्रयोग गरी गोठ तथा खोर सुधारमा सहयोग गरिएको छ । बेमौसमी तरकारी खेती प्रवद्र्धनका लागि गाउँबासीलाई प्लाष्टिक टनेल वितरण गरिएको छ । कार्यक्रमले हावापानी सुहाउदो खेती प्रणालीको सुरुवातका साथै कृषिमा प्रविधिको विकास भएको छ । पाटापुरमा जलवायु अनुकुलन गाउँ योजना तर्जुमा सम्पन्न भएको संस्थाले जनाएको छ ।
कार्यक्रमका फील्ड संयोजक शान्तिराम घिमिरेले नविकरणीय उर्जामा आधारीत संस्थागत सुधारीएको चुल्हो निमाण गरिएको जानकारी दिए । तीन वटा संस्थागत चुल्हो निर्माण गरिएको छ । कार्यक्रम गत वर्ष संचालन शुरु भई लगत्तै फेब्रुवरीमा सम्पन्न हुने बताइएको छ ।
