फिक्कल: उपप्रधानमन्त्री तथा जलस्रोत सिंचाई तथा उर्जा मन्त्री राजेन्द्र लिङदेनले देश नै मागी खाने जस्तो भएको बताउनु भयो । सोमबार इलामको रोङ गाउँपालिकामा अवस्थित बहिनी पाथीभरामा आयोजित कार्यक्रममा बोल्दै मन्त्री लिङदेनले बिदेशी आउना साथ नेपालले माग्ने मात्र काम गरेको बताउनदै आफैमा आत्मानिर्भर बन्नु पर्ने बताउनु भयो । उहाले अन्य देशका नेता, मन्त्री , कुटनीतिक नियोगका मान्छे आएर जाने बेलामा हामीलाई सहयोग गर्नुहोस भनेर मागेर पठाउनु पर्ने बाध्यता रहेको औल्याउनु भयो । मन्त्री लिङदेनले भन्नु भयो‘आएर राम्ररी स्वागत गर्न नपाई पहिलेको सहयोगका लागि धन्यवाद भनेर फेरी सहयोग गर्नुहोला भन्नु पर्ने त चलनै रहेछ, मन्त्री भएपछि थाहा भयो।उहाले जनताले एउटा मात्र पार्टीलाई सरकार चलाउन जनादेश नदिएकाले कसैले निशेधको राजनीति कोही माथी गर्न नहुने बताउनु भयो ।
मन्त्री लिङदेनले बिद्युत उत्पादनलाई प्राथमिक्ता दिईने बताउनु भएको छ । मन्त्री लिङदेनले बिद्युत उत्पादन र प्रसारका कामलाई प्राथमिक्ता दिईने बताउनु भएको हो । उहाले बिद्युत खरिद सम्झौता खुल्ला गरी सकेको जानकारी दिदै उत्पादन संगै बिद्युतको ब्यपार समेत सुनिश्चित गर्नु पर्ने बताउनु भयो । मन्त्री लिङदेनले भारत र बंगलादेश संग बिद्युतको ब्यपार सहज हुने बताउनु भयो । ‘हामी नतिजा आउने गरी काम गर्नु पर्छ भन्नेमा लागेका छौ, अहिले अध्ययन गर्ने काम भैरहेको छ’ मन्त्री लिङदेनल भन्नु भयो । उहाले थप्नु भयो‘बिद्युत उत्पादन गरेर मात्र भएन, कुन देशलाई बेच्ने भन्ने प्रष्ट हुनु पर्छ ।’
मन्त्री लिङदेनले बुढी गण्डकी, दुधकोशी र तमोर जस्ता जलाशयमा बिद्याुतका ठूलो आयोजना संचालन गरीने बताउनु भयो । उहाले बिद्युत प्राधिकरणको शेयर निष्कासन गर्ने तयारी भएको समेत जानकारी दिनु भयो । ‘शेयर निष्कासन गरेर त्यहि शेयरको रकमले थप बिद्युत उत्पादन गरी बिकासका काम गर्ने हो; मन्त्री लिङदेनले भन्नु भयो । उहाले २९ प्रतिशत शेयर खाडीमा रहनु भएका युवालाई दिईने जानकारीदिनु भयो ।
राष्ट्रिय प्रजातज्त्र पार्टीका अध्यक्ष समेत रहनु भएका मन्त्री लिङदेनले आफु जति दिन पदमा बसेपनि इमान्दारिताका साथ काम गर्ने बताउनु भयो । मन्त्री लिङदेनले पाथीभरामा पूजाअर्चना गर्नु भएको थियो । उहाले पाथीभराको बिकासमा आफुले सक्ने सहयोग गर्ने प्रतिवद्धता जनाउनु भयो ।
