गोबिन्द पौडेल रोङ:
आगामी माघ २६र २७ गते हुने रोङ स्तरिय राष्ट्रपती कपको तैयारी पूरा भएको छ ।वालबालिकाहरुको खेल प्रतिभाको बिकास र प्रोत्साहन गर्दै उत्कृष्ट खेलाडीलाइ जिल्ला स्तरमा लगेर सहभागि गराइने योजना अनुसार हरेक बर्ष १२ देखी १८ बर्ष उमेर समुहमा कक्षा १२ सम्म अध्ययनरत वालबलिकाको बिभिन्न बिधामा सहभागिता रहने छ ।
एक फिल्ड दुइ ट्रयाक,दुइ फिल्ड एक ट्याकको आधारमा बिभिन्न बिधामा खेलकुद प्रतियोगिता हुने रोङ खेलकुद शाखाका बिर्ख सुब्बाले बताए । शान्ति निकेतन माध्यामिक बिद्यालयको खेल मैदानमा हुने प्रतियोगितामा यस अघि रोङ गाउँपालिकाभित्र रहेका ९ वटा माध्यामिक बिद्यालयका वालवालिकाको सहभागिता रहने गरेकोमा यस बर्षदेखी १२ देखी १८ बर्षका अन्य आधारभूत बिद्यालयका बिद्यार्थीको पनि सहभागिता रहने छ । आयोजनाको तैयारी सबै पूरा भएको आयोजक समितिका सचिव शान्ति निकेतन मा. बि.का प्रधानाध्यापक भूपाल खड्काले बताए ।
